7:89  89  CONTRE  LES  ANABAPTISTES.  90  plus?  Iesus  Christ  n'est  pas  Roy  en  sa  personne:  mais  il  est  le  protecteur  de  tous  Royaumes,  comme  il  les  a  fonde  et  institue.  Mais  ces  phantastiques  repliquent,  qu'il  nous  a  commande  aussi  bien  de  faire  le  semblable,  en  disant  a  ses  Apostres:  Les  Roys  des  peuples  dominent  sur  iceux:  mais  de  vous,  il  ne  sera  pas  ainsi  (Luc  22,  25.  26).  Ie  leur  confesse,  que  ce  n'est  pas  tout  un,  voirement  de  l'office  des  Apostres  et  des  principautez  terriennes,  et  qu'en  iceluy  il  n'y  a  point  de  domination.  Or  Iesus  Christ  n'a  voulu  autre  chose,  sinon  discerner  l'un  de  l'autre.  Car  le  commencement  du  propos  vint  de  ce  que  les  Apostres  avoyent  contention  desia  entre  eux,  lequel  seroit  le  plus  grand  et  comme  gouverneur  des  autres  au  Royaume  de  Iesus  Christ.  Pour  oster  une  telle  ambition  il  leur  remonstre  que  son  Royaume  est  spirituel:  et  pourtant  qu'il  ne  gist  pas  en  hautesse  mondaine,  ny  en  pompe,  ny  en  seigneurie:  mais  que  toute  la  preeminence,  qu'ont  ses  ministres  et  officiers,  1)  est  de  servir.  Puis  donc  que  ce  passage  ne  parle  pas,  si  les  Roys  peuvent  estre  Chrestiens  ou  non:  mais  seulement  dit,  que  les  Apostres  et  ministres  de  l'Eglise  ne  seront  pas  comme  [page  83]  Roys,  pour  dominer:  c'est  une  grand'  bestise  d'inferer  de  la,  que  Iesus  Christ  nous  ait  defendu  toute  superiorite.  C'est  autant  comme  qui  diroit:  II  n'est  pas  licite  a  un  Roy  de  faire  l'office  d'un  ministre,  auquel  il  n'est  pas  appelle  :  c'est  donc  une  chose  mauvaise  et  illicite  que  l'estat  d'un  ministre.  Ie  vous  prye,  la  distinction  et  difference  des  estatz  fait-elle  que  l'un  soit  a  condamner,  pource  que  l'autre  est  loue  et  prise?  Que  les  Roys  donc  se  contiennent  entre  leurs  limites,  et  les  Pasteurs  &pirituelz2)  semblablement  se  contentent  d'exercer  leur  office,  sans  usurper  ce  qui  ne  leur  convient  point:  et  tout  ira  bien.  Et  nostre  Seigneur  Iesus  approuvera  les  uns  et  les  autres.  C'est  donc  mal  expose  a  ces  phantastiques,  de  dire  que  la  puissance  du  glaive  est  defendue  en  ce  passage.  Ilz  alleguent  pareillement,  pour  assembler  gros  monceau  de  tesmoignages,  ce  que  dit  sainct'Paul:  que  ceux  que  Dieu  a  preveu,  il  les  a  preordonnes  a  estre  faictz  conformes  a  l'exemple3)  de  son  filz  (Rom.  8,  29).  Ie  leur  accorde  que  suyvant  l'exhortation  que  fait  la,  sainct  Paul,  il  nous  convient  porter  la  mortification  de  Iesus  Christ  en  noz  ≪orps,  et  endurer4)  les  tribulations  et  miseres,  par  lesquelles  Dieu  voudra  nous  esprouver,  [page  84]  Mais  s'ensuit  il  de  cela,  qu'un  fidele  ne  puisse  gouverner  un  peuple  qui  luy  sera  commis?  Ilz  disent  que  1)  et  officiers,  manque  dans  la  traduction.  2)  L'adjectif  est  omis  par  le  traducteur.  3)  imagini.  4)  aequo  animo.