58:89  89  DE  IACOB  ET  ESAU.  90  Car  il  y  en  a  eu  deux,  que  desia  Moise  nous  a  recitees.  Si  tost  qu'Abraham  est  arrive  au  pais  de  Chanaan,  il  faut  qu'il  en  sorte:  et  ce  luy  estoit  un  combat  bien  dur,  veu  que  Dieu  luy  avoit  monstre  ceste  terre  la,  et  qu'il  luy  avoit  fait  grand'  feste  de  l'en  mettre  en  possession:  et  puis  il  faut  qu'il  en  soit  chasse,  et  qu'estant  un  povre  vagabond,  il  s'en  aille  en  Egypte,  d'autant  qu'il  ne  trouve  point  de  secours  ailleurs.  La  seconde  fois,  il  s'est  aussi-bien  retire  au  pais  des  Philisthins,  qui  estoit  mesme  de  la  terre  qui  luy  avoit  este  promise,  et  sous  le  Koy  de  Gerar:  non  pas  celui  dont  maintenant  il  est  fait  mention:  mais  tous  se  nommoyent  Abimelech,  qui  signifie  autant  comme  Mon  pere  le  Roy:  et  c'estoit  un  titre  non  seulement  honorable,  mais  pour  exprimer  que  les  Roys  ne  dominoyent  pas  en  tyrannie,  et  ne  gourmandoient  pas  leurs  suiets,  mais  avoient  un  soin  paternel  de  ceux  que  Dieu  leur  avoit  commis  en  charge.  Quand  donc  il  est  dit  que  la  famine  est  avenue  comme  l'autre,  c'est  pour  monstrer  que  tout  ainsi  que  Dieu  avoit  esprouve  la  foy  d'Abraham,  et  sa  constance:  aussi  quil  a  voulu  appeller  le  fils  a  un  examen  pareil.  Car  comme  Isaac  estoit  heritier  de  la  promesse,  aussi  faloit-il  qu'il  succedast  a  son  pere  en  ce  qui  est  propre  aux  enfans  de  Dieu:  car  il  faut  que  nous  monstrions  par  effect  que  nous  prisons  tellement  les  biens  celestes,  auquels  Dieu  nous  appelle,  que  nous  passions  par  ce  monde,  et  que  nous  ne  des  aillions  point,  encores  que  nous  soions  affligez  en  plusieurs  sortes.  Voila  donc  a  quoy  Moise  a  regarde,  quand  il  a  compare  ces  deux  famines:  c'est  pour  monstrer  que  quand  Abraham  a  este  tente,  ce  n'a  pas  esto  seulement  pour  lui:  mais  qu'il  faloit  que  son  fils  lui  ressemblast.  Or  maintenant  nous  sommes  appellez  enfans  d'Abraham  et  d'Isaac:  il  faut  donc  que  nostre  foy  soit  examinee,  selon  qu'il  semblera  bon  a,  Dieu.  Il  est  vray  que  nous  serons  plus  esperdus:  et  c'est  d'autant  que  nous  n'avons  pas  receu  si  ample  mesure  de  vertu.  Voila  pourquoy  Dieu  supporte  nostre  infirmite:  mais  si  est-ce  que  nostre  foy  ne  doit  point  estre  oisive.  Ainsi  donc,  nous  sommes  ici  advertis  par  l'Esprit  de  Dieu,  qu'estans  en  ce  monde,  il  nous  faut  estre  suiets  a  beaucoup  de  miseres,  et  que  nous  n'aurons  pas  un  Paradis  terrestre,  pour  avoir  tous  nos  souhaits,  pour  estre  rassasiez  sans  que  rien  nous  defaille:  mais  qu'il  semblera  souvent  que  Dieu  nous  ait  oubliez,  qu'il  nous  arrache  le  pain  de  la  main,  que  nous  soions  la  comme  s'il  nous  avoit  condamnez  a  perir.  Quand  cela  aviendra,  que  nous  ne  le  trouvions  pas  nouveau,  et  aussi  que  nous  n'y  soions  pas  comme  novices:  mais  que  chacun  de  nous  ait  premedite  ce  qu'il  lui  pourroit  avenir,  et  se  soit  appreste  de  longue  main  a  tout  souffrir  patiemment.  La  promesse  est  bien  donnee  aux  fideles,  Encore  que  les