52:89  89  CAPUT  I.  90  fectio,  nullum  peccatum  :  ideoque  nullum  divortium.  Sed  tamen  duabus  de  causis  angelos  quoque  oportuit  cum  Deo  pacificari.  Nam  quum  creaturae  sint,  extra  lapsus  periculum  non  erant,  nisi  Christi  gratia  fuissent  confirmati.  Hoc  autem  non  parvum  est  momentum  ad  pacis  cum  Deo  perpetuitatem,  fixum  habere  statum  in  iustitia,  ne  casum  aut  defectionem  amplius  timeat.  Deinde  in  hac  ipsa  oboedientia,  quam  praestant  Deo,  non  est  tam  exquisita  perfectio,  ut  Deo  omni  ex  parte  et  citra  veniam  satisfaciat.  Atque  huc  procul  dubio  spectat  sententia  ista  ex  libro  Iob  (4,  18),  In  angelis  suis  reperiet  iniquitatem.  Nam  si  de  diabolo  exponitur,  quid  magnum?  pronuntiat  autem  illic  spiritus  summam  puritatem  sordere,  si  ad  Dei  iustitiam  exigatur.  Constituendum  igitur,  non  esse  tantum  in  angelis  iustitiae,  quod  ad  plenam  cum  Deo  coniunctionem  sufficiat.  Itaque  pacificatore  opus  habent,  per  cuius  gratiam  penitus  Deo  adhaereant.  Unde  recte  Paulus,  qui  in  solis  hominibus  negat  residere  Cbristi  gratiam  :  sed  angelis  etiam  communem  facit.  Nec  iniuria  fit  angelis,  quum  ad  mediatorem  ablegantur,  ut  eius  beneficio  solidam  cum  Deo  pacem  habeant.  Si  quis  praetextu  universalis  notae  quaestionem  moveat  de  diabolis,  an  Christus  eorum  quoque  sit  pacificator:  respondeo,  ne  impiorum  quidem.  Tametsi  fateor  esse  discrimen:  quia  his  offertur  beneficium  redemptionis,  illis  non  item.  Sed  hoc  nihil  ad  Pauli  verba,  quae  nihil  aliud  continent  quam  solum  esse  Christum  per  quem  adhaerent  Deo  omnes  creaturae,  quae  quidquam  habent  cum  ipso  coniunctionis.  21.  Et  vos  quum  aliquando  essetis  alienati,  et  inimici  cogitatione  in  operibus  malis,  22.  nunc  reconciliavit  in  corpore  carnis  suae  per  mortem:  ut  sisteret  vos  sanctos  et  irreprehensibiles  in  conspectu  suo  :  23.  si  quidem  permanetis  fide  fundati  et  firmi,  et  non  dimoveamini  a  spe  evangelii  quod  audistis  :  quod  praedicatum  est  apud  universam  creaturam  quae  sub  coelo  est:  cuius  factus  sum  ego  Paulus  minister.  21.  Et  vos  quum  aliquando.  Nunc  generalem  doctrinam  per  hypothesin  ad  ipsos  accommodat:  ut  reos  se  maioris  ingratitudinis  sentiant,  si  patiantur  a  Christo  se  traduci  ad  nova  commenta.  Et  ordo  hic  diligenter  est  notandus:  quia  magis  afficit  peculiaris  doctrinae  applicatio,  ut  ita  loquar.  Deinde  ad  experientiam  eos  revocat,  ut  in  se  agnoscant  redemptionis  beneficium,  cuius  meminerat.  Ac  si  diceret:  Vos  ipsi  documentum  estis  eius  gratiae,  quam  ego  per  Christum  hominibus  esse  exhibitam  praedico.  Eratis  enim  a  l  i  e  n  a  t  i  ,  a  Deo  scilicet.  Eratis  inimici:  nunc  recepti  estis  in  amorem.  Unde  id  factum  est?  Nempe  quia  Deus  per  Christi  mortem  placatus  vobiscum  rediit  in  gratiam.  Quamquam  in  hac  sententia  est  personae  mutatio.  Quod