51:89  89  SUR  L'EPITRE  AUX  GALATES.  90  voire  comme  si  c'estoit  oisivete  de  servir  a  Dieu  et  a  toute  l'Eglise.  Apres,  les  Apostres  n'ont  fait  ne  ceci  ne  cela:  voire  mais  on  voit  que  les  Apostres  ont  este  conduits  quand  ii  en  a  este  besoin,  chacun  s'y  est  employe:  et  non  seulement  en  ses  facultez,  mais  en  sa  propre  personne.  Gens  riches  et  opulens  ont  passe  la  mer  (comme  on  le  void)  s'il  estoit  question  de  faire  compagnie  a  un  Apostre.  Et  maintenant  il  n'y  aura  que  murmures  encores  que  les  serviteurs  de  Dieu  soyent  entretenus  chichement.  Or  cela  declare  et  demonstre  l'impiete  de  ceux  qui  iargonnent  ainsi:  cela  descouvre  que  ce  sont  gens  profanes  qui  voudroyent  vivre  en  une  barbarie  et  en  vie  brutale  sans  avoir  nulle  doctrine  de  salut,  que  tout  fust  mis  sous  le  pied,  et  qu'on  se  gouvernast  chacun  a  son  appetit.  Ainsi  retenons  ce  qui  nous  est  ici  monstre  par  sainct  Paul,  a  fin  que  ceux  qui  sont  appelez  en  cest  estat  et  office  d'annoncer  la  parole  de  Dieu  cognoissent  que  ce  qu'ils  sont  nourris  et  subetentez  c'est  d'autant  qu'ils  travaillent,  et  que  leur  service  apporte  profit  a  tout  le  peuple,  et  que  par  cela  ils  soyent  tant  mieux  incitez  a  faire  leur  devoir  en  crainte  et  en  solicitude,  que  cela  les  aiguI8e,  a  fin  qu'ils  soyent  tant  plus  diligens.  Et  aussi  qu'on  ne  leur  porte  nulle  envie,  et  qu'on  ne  murmure  point  a  l'encontre,  quand  ils  seront  substentez  et  entretenus  comme  ii  appartient,  veu  que  Dieu  l'a  ainsi  ordonne.  Et  nous  voyons  aussi  la  raison  pourquoy.  Or  la  dessus  sainct  Paul  adiouste.  Ne  soyez  point  trompee,  car  Dieu  n'est  point  moque,  et  selon  que  Vhomme  aura  seme  il  recueillira.  Sainct  Paul  en  disant  qu'on  ne  se  trompe  point,  monstre  assez  que  de  tout  temps  les  hommes  ont  eu  beaucoup  de  subterfuges,  quand  ils  ont  voulu  ou  mal  faire  ou  mal  dire,  qu'il  y  a  tousiours  eu  quelque  couverture  qu'ils  ont  pretendu:  mais  il  les  appelle  ici  au  iugement  de  Dieu:  comme  s'il  disoit  que  ils  pourront  bien  contenter  les  hommes  pour  leur  clorre  la  bouche,  et  cependant  il  faudra  venir  a  conte  devant  le  iuge  celeste.  Et  ainsi  (dit-il)  tous  vos  eschappatoires  ne  serviront  de  rien,  il  est  vray  que  ces  excuses  seront  facilement  admises  entre  les  hommes.  Et  (comme  i'ay  desia  touche)  plusieurs  tiendront  les  ministres  sur  leur  bureau,  et  la  il  ne  sera  question  que  de  leur  faire  leur  proces:  car  leurs  aureilles  sont  chatouilleuses  qu'a  grand  peine  en  trouvera-on  de  cent  l'un  qui  ne  soyent  bien  aises  d'escouter  tels  propos,  et  de  adiouster  encores  quelque  lardon,  ou  faire  la  sausse  plus  aigre.  Cela  est  par  trop  commun:  mais  tant  y  a  que  la  doctrine  de  sainct  Paul  s'estend  en  general  a  toutes  les  excuses  que  nous  avons  accoustume  de  prendre  quand  nous  voulons  iustifier  le  mal,  et  faire  accroire  que  le  noir  est  blanc.  En  premier