50:89  89  CAPUT  VII.  90  exemplum.  Capit  enim  molestiam  pater  ex  sua  severitate,  si  quando  filium  castiget:  nihilominus  probat,  quia  videt  filio  esse  salutarem.  Ita  Paulo  res  erat  minime  iucunda,  Corinthios  exasperare:  sed  quia  constabat  illi  facti  sui  ratio,  officium  suum  animi  voto  praeferebat.  Video  enim,  ete.  Contextus  verborum  est  abruptus:  nihil  tamen  id  de  sensus  claritate  detrahit.  Primum  sibi  iam  ex  re  ipsa  compertum  esse  dicit,  epistolam  priorem,  tametsi  ad  tempus  ingrata  fuerat,  utilem  tamen  demum  fuisse  Corinthiis:  deinde  huius  utilitatis  causa  se  gaudere.  9.  Non  quod  sitis  contristati.  Significat  se  minime  delectari  eorum  tristitia:  quin  potius  si  daretur  optio,  se  consulturum  eorum  saluti  et  laetitiae  simul,  eadem  opera.  Sed  quia  fieri  aliter  non  potuerit:  tanti  sibi  eorum  salutem  esse,  ut  gaudeat  contristatos  esse  ad  poenitentiam.  Sunt  enim  interdum  medici,  boni  quidem  alioqui  et  fideles,  sed  inclementes  et  qui  aegrotis  non  parcunt.  Talem  se  esse  negat  Paulus,  qui  adhibeat  aspera  remedia  nisi  necessitate  compulsus.  Quia  autem  utiliter  illi  cesserat,  id  remedii  genus  tentasse:  de  successu  sibi  gratulatur.  Simili  fere  loquendi  forma  prius  usus  est  capite  5,  4:  Gemimus  in  hoc  tabernaculo  gravati,  quod  non  exui  volumus,  sed  superindui.  10.  Quae  secundum  Deum  est  tristitia.  Primum,  ut  teneamus  quid  valeat  haec  particula  secundum  Deum,  notanda  est  antithesis.  Nam  tristitiam,  quae  secundum  Deum  est,  opponit  mundi  tristitiae.  Nunc  sumamus  etiam  antithesin  duplicis  gaudii.  Gaudium  mundi  est,  quum  stulte  et  absque  timore  Domini  exsultant  homines  in  rebus  vanis,  hoc  est,  in  mundo:  et  caduca  felicitate  inebriati  non  altius  respiciunt  quam  ad  terram.  Gaudium  secundum  Deum,  quum  totam  felicitatem  in  Deo  reponunt  et  acquiescunt  in  eius  gratia:  atque  id  mundi  contemptu  declarant,  sic  utentes  terrena  prosperitate  quasi  non  utantur:  in  adversis  autem  rebus  hilares.  Ergo  tristitia  mundi  est,  quum  propter  terrenas  afflictiones  animos  despondent  et  luctu  opprimuntur:  tristitia  autem  secundum  Deum,  quae  Deum  respicit,  dum  unicam  miseriam  ducunt,  excidisse  a  Dei  gratia:  quum  timore  iudicii  eius  perculsi  peccata  sua  lugent.  Hanc  tristitiam  Paulus  causam  facit  et  originem  poenitentiae:  quod  est  diligenter  observandum.  Nisi  enim  sibi  displiceat  peccator,  vitam  suam  oderit,  ac  serio  doleat  agnitione  peccati:  nunquam  ad  Dominum  convertetur.  Rursum  fieri  nequit  ut  talis  in  homine  sit  tristitia,  quin  novum  animum  pariat.  Ergo  a  dolore  incipit  poenitentia,  propter  hanc  quam  dixi  rationem,  quod  nemo  potest  in  viam  redire,  nisi  qui  peccatum  oderit.  Ubi  autem  odium  peccati,  illic  sui  displicentia  et  dolor.  Pulchra  autem  allusio  est  ad  nomen  p  o  e  n  i  t  e  n  t  i  a  e  ,  quum  dicit  non  poenitendam:  quia  quamvis  res  sit  primo  gustu