44:89  89  CAPUT  L  90  Utrumque  hic  exprimit  propheta.  Prius  dicit,  Ponite  cor  vestrum  super  vias  vestras,  hoc  est,  Considerate  unde  vobis  haec  inopia:  deinde  ut  multum  laborando,  tamen  ludatis  operam:  nisi  quia  iratus  est  vobis  Deus.  Haec  iam  erat  aliqua  pars  prudentiae:  sed  iterum  repetit,  Ponite  ergo  corda  vestra  super  vias  vestras,  non  tantum  ut  peccatum  vobis  displiceat,  sed  ut  segnities  ista  quae  hactenus  Deum  offendit,  et  provocavit  iram  eius,  mutetur  in  strenuam  diligentiam.  Ergo,  Adscendite  in  montem  et  tollite  lignum,  inquit,  et  aedificetur  haec  domus.  Si  quis  dubitet  cur  tantopere  insistat  propheta  in  aedificio  templi,  responsio  facilis  est,  quod  Deus  voluit  hoc  modo  exerceri  veterem  populum  in  pietatis  officiis.  Quanquam  ergo  templum  per  se  non  magni  erat  ponderis  coram  Deo,  finis  tamen  spectandus  fuit:  quia  retinebatur  populus  visibili  illo  templo  in  spe  venturi  Christi.  Deinde  coeleste  exemplar  semper  debebat  illis  venire  in  mentem,  ut  scilicet  spiritualiter  Deum  colerent  sub  illis  externis  figuris.  Non  abs  re  igitur  offensus  fuit  Deus  templi  sui  neglectu:  quia  inde  facile  constabat,  nullam  esse  pietatis  curam  nec  studium  apud  Iudaeo��.  Saepe  contigit,  ut  plus  satis  essent  seduli  in  externo  cultu:  et  Deus  illam  assiduitatem  deridet,  ubi  non  est  coniunctus  interior  affectus:  sed  hic  reprehenditur  a  propheta  crassior  ille  contemptus  Dei,  quum  etiam  externum  aedificium  spernerent.  Postea  adiungit,  et  propitius  ero  in  ea,  vel  placebit  mihi  in  ea.  Qui  vertunt,  Placebit  mihi,  non  discedunt  a  genuina  verbi  significatione.  Nam  nm  est  aliquid  habere  gratum.  Sed  rectius  meo  iudicio  sentiunt,  qui  putant  prophetam  alludere  ad  promissionem  Dei  :  quia  dicebat  se  hac  lege  habitaturum  esse  inter  Iudaeos,  ut  eorum  vota  exaudiret  ac  illis  reconciliaretur.  Quum  ergo  venirent  in  templum  Iudaei,  ut  peccata  sua  expiarent,  ut  redirent  cum  Deo  in  gratiam,  non  abs  re  hic  pronuntiat  Deus  se  fore  propitium  in  illa  domo.  Si  quis  peccaverit,  dicebat  Solomon,  et  ingressus  domum  hanc  supplex  deprecatus  fuerit,  tu  etiam  exaudies  ex  habitaculo  tuo  coelesti.  Deinde  scimus  operculum  arcae  ideo  vocatum  fuisse  propitiatorium,  quod  Deus  illinc  recipiebat  in  gratiam  supplices.  Videtur  ergo  hic  sensus  melius  congruere  quum  dicit  propheta,  si  templum  fuerit  aedificatum,  illic  Deum  propitium  fore.  Fuit  autem  hoc  signum  nimis  crassae  impietatis,  quum  putarent  se  Deo  quoque  adverso  posse  prospere  agere.  Unde  enim  speranda  illis  fuit  felicitas,  nisi  ex  unico  bonorum  omnium  fonte,  nempe  si  Deus  ipsis  faveret  atque  esset  propitius?  Quomodo  autem  quaerenda  fuit  eius  gratia,  nisi  ut  in  sanctuarium  venirent  ac  inde  sursum  conscenderent  animis  et  fide  in  coelum?  Quum  ergo  nulla  esset  templi  cura,  hinc  colligere  promptum  fuit  negligi  ab  ipsis  Deum  ipsum,  et  fere  ludibrio  haberi.  Videmus  ergo  quam