39:89  89  IN  IEREMIAM.  CAP.  XXXIV.  90  quum  ingressi  essent  rectum  iter,  et  quum  retraxissent,  est  allusio  in  verbis  niti"  et  )2W\  retraxerunt,  vel  reverti  fecerunt  servos  et  ancillas  quos  dimiserant  liberos,  et  subegerunt  in  servos  et  ancillas.  Non  dubium  est  quin  aliquid  coloris  obtenderint  Iudaei  quum  ita  retraherent  servos  suos,  et  fraudarent  beneficio  manumissionis.  Sed  Deus  voluit  ipsos  sincere  agere  et  absque  fuco:  Quidquid  ergo  excogitent  astuti  homines  dum  miseros  opprimunt,  et  utcunque  tergiversentur  apud  homines,  Deus  tamen,  cui  placet  integritas,  non  admittit  fucos  illos,  quia  vult  nos  simpliciter  agere  cum  proximis  nostris:  ita  damnatur  coram  ipso  omnis  calliditas.  Iam  sequitur  summa  legationis:  dixerat  quidem  propheta  sermonem  Dei  fuisse  apud  se  depositum,  sed  interposuit  narrationem  hanc,  ut  sciremus  qua  de  causa  Deus  ipsum  miserit  ad  Iudaeos.  Nam  si  ita  exorsus  esset,  Fuit  sermo  ad  Ieremiam  a  Iehovah,  deinde  additum  hoc  fuisset,  Sic  dicit  Iehovah  Deus  Israel,  Ego  pepigi  foedus,  res  fuisset  obscurior.  Oportuit  igitur  historiam  priore  loco  narrari,  quia  hinc  pendebat  legatio  prophetae,  quod  scilicet  Iudaei  addiderant  saevitiae  periurium,  et  ita  venerant  ad  extremum  iniquitatis.  Nunc  ergo  ipsos  cominus  aggreditur  propheta,  et  ita  inducit  Deum  loquentem,  Pepigi  foedus  meum  cum  patribus  vestris  quo  die  eduxi  eos  e  terra  Aegypti,  e  domo  servorem.  Deus  revocat  Iudaeos  ad  legem  suam,  et  quanquam  poterat  iure  mandare  quidquid  visum  esset,  ostendit  tamen  Israelitas  fuisse  obstrictos,  quoniam  eduxerat  eos  e  domo  servorum.  Quis  audeat  sibi  arrogare  dominium  in  alios,  qui  ipse  servus  est?  neque  enim  potest  esse  dominium  ubi  non  est  libertas.  Potest  quispiam  esse  liber  qui  tamen  carebit  servo:  sed  tamen  nemo  potest  esse  dominus  nisi  ipse  liber  sit  :  iam  pronuntiat  Deus  Israelitas  non  fuisse  liberos,  erant  enim  sub  miserrima  servitute  quum  illis  manum  porrexit.  Unde  igitur  Israelitis  libertas?  nempe  ex  gratuita  Dei  misericordia,  qui  eos  manumisit,  hoc  est,  qui  eduxit  a  tyrannide  aegyptiaca.  Hinc  ergo  sequitur,  non  potuisse  aliis  dominari  quum  servi  essent.  Haec  ratio  est  cur  dicat  se  pepigisse  foedus  quo  die  eduxit  ipsos  e  domo  servorum:  quasi  diceret  ipsos  egressos  fuisse  ex  ergastulis  suis,  quia  dignatus  est  ipsos  extrahere.  Adiungit  foedus,  quia  sanctius  eos  devinxit  ad  colendam  humanitatem,  quum  hac  lege  voluit  esse  liberos  ut  non  dominarentur  perpetuo  in  fratres,  sed  tantum  ad  tempus.  Recitat  hic  legem  quae  exstat  apud  Mosen  vigesimo  illo  primo  capite  Exodi,  ut  diximus.  A  fine  ergo  septem  annorum  quisque  dimittet  fratrem  suum  hebraeum,  qui  venditus  tibi  fuerit,  et  qui  servierit  tibi  sex  annis,  dimittes  eum  liberum  abs  te,  hoc  est,  ne  sit  apud  te:  et  non  audierunt  patres  vestri  me,  et  non  inclinarunt  aurem  suam.  Non  dubium  est  quin  amplexi  sint  Israelitae