35:89  89  IOB  CHAP.  XXXIII.  90  point  bien  vescu?  N'ai-ie  pas  servi  a  Dieu  comme  ie  devoye?  Et  si  i'ai  commis  quelque  faute,  n'y  a-il  pas  encores  quelque  chose  pour  la  recompenser?  Et  i'ai  fait  ceci  et  cela.  Voila,  di-ie,  comme  les  hommes  voudront  tousiours  mettre  quelque  barre  a  Dieu,  afin  qu'il  n'ait  point  d'advantage  sur  eux.  Ils  cercheront  donc  leur  droiture  en  leurs  merites.  Or  Dieu  use  bien  d'un  style  tout  contraire,  quand  il  nous  veut  donner  une  droiture  par  laquelle  nous  subsistions  devant  lui:  c'est  que  cachant  nos  pechez  il  nous  recognoist  comme  iustes,  et  nous  advoue  pour  tels.  Ou  est-ce  donc  que  nostre  droiture  sera  appuyee?  C'est  en  la  misericorde  gratuite  de  nostre  Dieu:  d'autant  qu'il  efface  nos  pechez,  et  qu'il  ne  nous  impute  point  nos  offenses,  apres  qu'il  a  nettoye  nos  macules  par  le  sang  de  son  Fils,  apres  qu'il  nous  a  delivrez  de  damnation  de  mort  par  le  payement  que  nostre  Seigneur  Iesus  a  fait  en  la  croix.  Voila  la  droiture  qui  nous  est  la  annoncee  par  les  messagers  de  Dieu,  c'est  quand  nous  sommes  iustifiez.  Et  ce  n'est  point  sans  cause  que  l'Escriture  saincte  aussi  use  tousiours  de  ce  mot  de  Iustifier.  Il  pourroit  bien  estre  dit,  que  nous  trouvons  grace  quand  Dieu  nous  pardonne  (comme  aussi  il  en  est  souvent  parle)  mais  le  sainct  Esprit  ne,  se  contente  point  d'user  de  tels  mots.  Et  pourquoi?  Car  cependant  que  nous  sommes  pecheurs,  il  faut  que  Dieu  nous  haysse:  nous  savons  qu'il  est  la  fontaine  de  iustice:  et  il  n'y  a  point  de  convenance  entre  lui  et  l'iniquite.  Nous  sommes  donc  detestables  a  Dieu,  et  faut  que  nous  soyons  reiettez  de  lui,  cependant  que  nous  sommes  pecheurs:  bref,  nous  n'avons  point  accez  a  Dieu  iusques  a  ce  que  nous  soyons  iustes  et  droits.  Or  maintenant  comment  le  somme-nous  ?  C'est  d'autant  que  Dieu  ne  veut  point  avoir  esgard  a  nos  pechez,  d'autant  qu'il  les  ensevelist,  d'autant  qu'il  les  cache,  et  qu'il  nous  en  purge.  Voila  donc  nos  pechez  qui  sont  effacez  en  la  mort  et  passion  de  nostre  Seigneur  Iesus  Christ,  tellement  que  nous  sommes  reputez  iustes,  que  Dieu  ne  trouve  plus  d'iniquite  en  nous,  quand  il  nous  accepte  ainsi  au  nom  de  son  Fils.  C'est  ceste  droiture  de  laquelle  il  est  parle  en  ce  passage.  Au  reste,  quand  notamment  il  est  dit,  que  ce  messager  qui  nous  resiouyt  ainsi,  est  un  d'entre  mille:  c'est  pour  nous  faire  priser  d'avantage  ce  bien  dont  nous  ne  tenons  gueres  de  conte,  c'est  assavoir  le  moyen  de  nostre  reconciliation.  Il  est  donc  declare,  que  ce  n'est  point  chose  vulgaire  que  ceci.  On  ne  pourra  pas  tousiours  rencontrer,  que  nous  ayons  un  homme  que  Dieu  nous  envoye  pour  tesmoin  de  nostre  salut,  qui  soit  pour  moyenner  nostre  reconciliation  avec  lui  :  pourtant  ce  n'est  point  une  chose  que  nous  devions  ietter  au  pied.  Et