31:89  89  PSALMUS  Vin.  90  men  exstinguere  cuperent.  Quod  quidam  >��u  tantundem  ac  *33  valere  putant,  absurdum  est:  quia  emphasin,  qua  usus  est  David,  perperam  diminuit.  Sensus  ergo  est,  Deum,  ut  providentiam  suam  commendet,  non  opus  habere  magna  rhetorum  facundia,  ac  ne  formato  quidem  sermone:  quia  mutas  infantium  linguas  ad  eam  celebrandam  satis  prompta��  et  disertas  habeat.  Quaeritur  tamen  quo  sensu  pueros  gloriae  Dei  faciat  praecones.  Stulte  (meo  iudicio)  philosophantur,  qui  hoc  fieri  putant,  dum  pueri  articulate  incipiunt  loqui,  quia  tunc  quoque  vis  animae  intellectiva  apparet:  nam  ut  demus  parvulos  ad  septennium  usque  vocari,  quomodo  a  mamma  pendere  fingent,  qui  distincte  iam  loquuntur?  Nihilo  melius  convenit  allegorice  parvulos  et  lactentes  sumi  pro  fidelibus,  qui  Dei  spiritu  renati  nihil  vetus  sapiunt.  Et  quid  attinet  Davidis  verba  torquere,  quorum  genuinus  sensus  tam  apte  fluit?  Parvulos  et  lactentes  dicit  satis  validos  esse  patronos  qui  Dei  providentiam  asserant.  Cur  viris  non  mandat  istas  partes,  nisi  ut  ostendat  linguas  infantiles  antequam  verbum  effari  queant,  sonore  tamen  loqui  quam  liberalis  sit  Deus  erga  genus  humanum?  Unde  enim  statim  ab  utero  egressis  alimentum  praesto  est:  nisi  quia  Deus  mirabiliter  sanguinem  in  lac  transformat?  unde  etiam  sugendi  industria,  nisi  quia  idem  Deus  arcano  instinctu  linguas  eorum  aptat?  Ergo  optima  ratione  David  quamvis  cessent  omnes  viriles  linguae,  os  elingue  infantium  ad  celebrandam  Dei  laudem  satis  idoneum  esse  pronuntiat.  Caeterum  quod  parvulos  non  solum  testes  vel  praecones  Dei  gloriae  inducit,  sed  eorum  ori  attribuit  firmum  robur,  magna  energia  non  caret.  Perinde  enim  est  ac  si  dixisset  invictos  esse  Dei  milites,  qui  totum  impiorum  exercitum,  si  ad  conflictum  ventum  fuerit,  facile  dissipent  ac  proterant.  Notandum  enim  est,  contra  quos  infantibus  munus  iniungat  tuendae  gloriae  Dei  :  nempe  contra  ferreos  Dei  contemptores,  qui  gigantum  more  bellum  coelis  indicere  non  dubitant.  Quum  ergo  cyclopes  isti  furioso  impetu  convellant,  ac  pervertant  quidquid  est  pietatis  in  mundo,  suaque  duritie  coelum  ipsum  perfringere  conentur.  David  per  ludibrium  in  aciem  puerorum  ora  educit,  et  satis  validis  armis  instructa  esse,  ac  fortitudine  pollere  dicit  ad  prosternendam  eorum  superbiam.  Ideo  mox  subiicit,  propter  adversarios.  Neque  enim  forti  potentia  bellare  necesse  est  Deo  ad  vincendos  fideles,  qui  sponte  vocem  eius  sequuntur,  propensumque  obsequium  exhibent  simul  ac  digito  signum  dederit.  Fateor  quidem  lucere  Dei  providentiam  praesertim  fidelium  causa,  quia  soli  oculati  sunt  ad  eam  spectandam.  Verum  quia  dociles  se  praebent,  placide  ipsos  Deus  erudit:  contra  hostes  vero  proprie  se  armat,  qui  nunquam  nisi  coacti  cedunt.  Quidam  Fundandi  verbum  nimis  restricte