27:89  89  SUR  LE  DEUTER.  CHAP.  XI.  90  sons,  advisons  comment  Dieu  a  leve  sa  main  pour  chastier  ceux  qui  ont  voulu  troubler  Tordre  de  son  Eglise,  qui  ont  voulu  ruiner  l'edifice  qu'il  avoit  fait  par  son  Evangile:  car  il  est  certain  qu'il  les  a  chastiez,  afin  que  nons  soyons  instruits  a  leurs  despens.  Il  nous  a  fait  la  grace  que  nous  avons  veu,  et  avons  cogneu  sa  vengeance:  et  cependant  nous  en  avons  este  exemptez  non  pas  pour  nos  merites  (car  il  n'y  a  celuy  quand  il  aura  bien  examine  ses  fautes,  qui  ne  se  trouve  coulpable)  mais  Dieu  nous  a  espargnez:  et  cependant  il  nous  a  monstre  au  doigt  comme  il  ne  le  faut  point  provoquer:  que  si  on  s'esleve  contre  luy,  on  aura  une  rencontre  trop  dure.  Cela  (di-ie)  nous  a  este  assez  declaire.  Mais  quoy?  Dieu  besongne,  et  cependant  nous  n'avons  point  les  yeux  pour  contempler  son  oeuvre:  et  encores  que  nous  les  ayons,  nous  les  fermons  a  nostre  escient.  Et  mesmes  sans  aller  plus  loin,  appliquons  ceste  histoire  a  nostre  usage.  Ii  est  vray  que  ie  touche  les  choses  le  plus  sobrement  que  ie  puis:  mais  tant  y  a  que  l'Escriture  n'est  pas  faite,  afin  que  nous  cognoissions  seulement  ce  qui  nous  est  recite  du  peuple  d'Israel:  mais  il  faut  que  nous  regardions  la  similitude  qui  est  entre  ce  peuple-la  et  nous,  et  que  si  tels  exemples  adviennent,  nous  facions  valloir  les  admonitions  qui  en  sont  donnees.  Comme  S.  Paul  aussi  dit:  Que  ce  que  Dieu  a  fait  pour  ce  temps-ia,  nous  est  comme  une  peinture,  afin  que  nous  rapportions  le  tout  a  nostre  usage:  car  nous  sommes  venus  a  la  fin  des  temps  (dit-il)  nous  voyons  maintenant  comme  une  perfection  aes  choses  que  Dieu  avoit  commencees  alors.  Or  il  est  ici  parle  de  Core,  Dathan,  et  Abirom,  c'est  a  dire,  de  ceux  qui  n'ont  peu  porter  que  les  choses  fussent  observees  comme  Dieu  l'avoit  commande  a  Moyse.  Il  est  vray  qu'ils  font  bien  professsion  d'estre  des  esleus  de  Dieu,  des  enfans  d'Abraham  :  voila  pour  un  item.  Car  ils  alleguent  qu'ils  sont  sanctifiez,  ils  veulent  que  la  circoncision  soit  un  tesmoignage  qu'ils  sont  une  lignee  saincte,  et  sacree:  mais  cependant  ils  ne  veulent  point  de  sacrificature,  voire  telle  que  Dieu  l'a  ordonnee,  chacun  la  voudroit  pour  soy.  Or  de  nostre  coste  n'avons-nous  point  veu  une  telle  rebellion  contre  Dieu,  et  sa  parolle?  Car  pourquoy  est-ce  qu'on  a  bataille,  et  contre  la  doctrine,  et  contre  la  police  de  l'Eglise,  avec  une  telle  rage,  sinon  pour  aneantir  l'ordre  que  Dieu  avoit  constitue  entre  nous?  Quand  les  heretiques,  voire  qui  apportoyent  des  blasphemes  plus  enormes,  qu'on  n'en  a  point  ouy  depuis  l'Eglise  Chrestienne,  quand  ceux-la  sont  ici  venus,  ils  ont  este  maintenus  a  cor  et  a  cri,  et  tout  publiquement,  voire  par  ceux  qui  tenoyent  le  siege  de  iustice,  et  qui  s'estoyent  forinalisez  pour  eux,  qu'ils  ont  trouve  la  plus  de  faveur,  que  ne  feroyent  point  les  Turcs  sous  Mahommet.  Apres,  quand  les  autres  heretiques  sont