10.1:89  ORDONNANCES.  comme  i'espere  que  Dieu  m'en  fera  la  grace.  C'est  de  veiller  soigneusement  sur  l'estat  de  l'eschole  a  fin  de  pourvoir  a  tous  les  desordres  qui  pourroyent  survenir.  Et  le  tout  selon  le  contenu  des  ordonnances.  Item  d'exhorter  tous  les  escholiers  qui  ne  seront  point  soubs  les  Regens,  mais  seulement  seront  auditeurs  des  lecons  publiques,  de  se  maintenir  soubs  la  subiection  et  obeissance  de  nos  seigneurs  et  superieurs.  Et  de  ne  point  souffrir  ceulx  qui  seront  dissolus  et  desbauchez:  mais  en  ce  cas  qu'ils  ne  se  vueillent  reduire  par  admonitions  amiables,  d'en  advertir  Messieurs  a  fin  d'y  pourvoir.  Finalement  de  procurer,  selon  qu'il  me  sera  possible,  que  les  escholiers  vivent  paisiblement  en  toute  modestie  et  honnestete,  a  l'honneur  de  Dieu  et  au  profit  et  repos  de  la  ville.  SERMENT  POUR  LES  PROFESSEURS  ET  REGENS.  Ie  promets  et  iure  de  m'acqutter  loyaument  de  la  charge  qui  m'est  commise,  a  scavoir  de  travailler  pour  l'instruction  des  enfans  et  auditeurs,  de  faire  les  lectures  qui  me  sont  ordonnees  par  les  statuts  de  nos  seigneurs  et  superieurs.  Et  en  general  de  mettre  peine  que  l'eschole  soit  conduicte  en  bon  ordre.  Et  de  procurer,  selon  qu'il  me  sera  possible  (comme  i'espere  que  Dieu  m'en  fera  la  grace),  que  les  escholiers  vivent  paisiblement,  en  toute  modestie  et  honnestete,  a  l'honneur  de  Dieu  et  au  profit  et  repos  de  la  ville.