46:889  889  DE  LA  PASSION.  890  ment  que  nous  sommes  enfans  de  Dien,  et  reputez  iustes  devant  luy,  ascavoir  quand  il  a  voulu  n'amener  aucune  replique  pour  monstrer  son  integrite.  Au  reste  on  pourroit  de  prime  face  trouver  estrange  qu'il  se  soit  teu,  et  neantmoins  qu'il  responde  qu'il  est  Roy  des  Iuifs.  Car  ces  choses-la  semblent  tirer  quelque  contrariete:  mais  sainct  Iehan  procede  plus  outre,  et  dit  qu'il  a  declare  que  son  Royaume  n'estoit  pas  du  monde:  et  puis  qu'il  a  declare  aussi  qu'il  estoit  Fils  de  Dieu  :  mesmes  il  a  proteste  qu'il  estoit  venu  au  monde  pour  maintenir  la  verite.  Mais  le  tout  s'accorde  aisement.  Car  il  a  bien  falu  que  nostre  Seigneur  Iesus  se  declarast  estre  Roy  des  Iuifs,  sinon  qu'il  voulust  reietter  les  Propheties:  il  faloit  aussi  qu'il  se  declarast  Fils  de  Dieu:  mais  cela  ne  tendoit  pas  a-  son  absolution  :  c'estoit  plustost  a  ce  qu'il  n'y  eust  plus  si  longue  dispute,  mais  qu'il  fust  condamne.  Notons  bien  donc  quand  il  est  parle  du  silence  de  Iesus  Christ,  que  c'est  d'autant  qu'il  n'a  voulu  amener  aucune  excuse:  quant  a  sa  personne,  il  a  eu  la  bouche  close,  cependant  il  n'a  pas  laisse  de  faire  confession  telle  qu'il  devoit.  Voyla  aussi  pourquoy  sainct  Paul  dit  qu'il  a  fait  une  bonne  confession  devant  Ponce  Pilate.  Car  s'il  eust  este  question  que  Iesus  Christ  fust  entre  en  defense,  desia  le  iuge  estoit  persuade  de  son  integrite.  Il  pouvoit  donc  aisement  gaigner  sa  cause  en  parlant.  Et  voyla  dequoy  Pilate  s'esbahit:  mais  tant  y  a  que  nostre  Seigneur  Iesus  n'a  pas  laisse  de  rendre  tesmoignage,  tel  que  Dieu  son  Pere  luy  avoit  commis:  non  pas  tendant  a  enseigner  (car  ce  n'estoit  pas  le  lieu)  mais  pour  confermer  et  ratifier  la  doctrine  laquelle  auparavant  il  avoit  portee.  Cependant  nous  avons  a  noter  d'un  coste,  que  le  crime  qui  estoit  pour  troubler  plus  les  Iuifs,  estoit  qu'il  avoit  esmeu  trouble,  et  empesche  qu'on  ne  payast  les  tributs  a  l'Empereur  de  Rome:  et  cela  aussi  estoit  pour  irriter  le  Gouverneur,  un  homme  payen  qui  estoit  la  envoye  de  par  l'Empereur.  Or  il  est  bien  certain  que  nostre  Seigneur  Iesus  s'estoit  declare  estre  Roy:  mais  non  pas  terrien:  comme  de  faict  nous  voyons  que  quand  les  Iuifs  le  veulent  couronner,  il  se  retire  et  se  cache  en  la  montagne:  et  maintenant  encores  il  coupe  broche  a,  ceste  calomnie-la,  pour  ce  que  c'estoit  un  diffame  a  l'Evangile,  quand  il  eust  perverti  l'ordre  et  police  du  monde.  Car  celuy  qui  est  venu  pour  nous  appeler  tous  au  Royaume  celeste,  et  nous  en  faire  participans,  n'a  pas  voulu  abolir  les  royaumes  terriens,  veu  que  mesme  ils  sont  soustenus  par  luy,  et  en  sa  vertu.  Il  ne  faloit  point  donc  que  l'Evangile  eust  ce  blasme,  que  Iesus  Christ  fust  venu  pour  usurper  quelque  puissance  ou  authorite  du  monde.  Et  voyla  pourquoy  notamment  il  dit  a  Pilate  que  son  royaume  n'est  point  d'yci.