46:888  est  ainsi  condamne  par  Pilate,  c'est  afin  qu'auiourd'huy  nous  venions  hardiment  a  luy,  voire  scachans  que  la  puissance  luy  est  donnee  de  nous  iuger.  Et  d'autant  qu'il  s'est  teu,  que  nous  cognoissions  qu'iF  a  voulu  porter  nostre  condamnation,  et  qu'il  n'a  point  intente  proces  pour  se  iustifier,  scachant  bien  aussi  quil  faloit  qu'il  fust  condamne,  voire  en  nostre  personne.  Car  combien  qu'il  fust  sans  tache  ni  macule,  il  portoit  tous  nos  pechez  sur  soy.  Il  ne  se  faut  point  donc  esbahir  s'il  s'est  teu,  comme  s'il  eust  este  convaincu:  car  autrement  il  n'eust  peu  faire  office  de  Mediateur  qu'en  ��passant  condamnation,  et  confessant  qu'en  nos  personnes  il  avoit  merite  d'estre  condamne.  Voyla  donc  qu'emporte  le  silence  de  nostre  Seigneur  Iesus  Christ,  afin  que  auiourd'huy  nous  puissions  invoquer  Dieu  a  plenebouche,  et  que  nous  luy  puissions  demander  pardon  de  tous  nos  vices  et  offenses.  Or  nous-nous  prosternerons  devant  la  maieste  de  nostre  bon  Dieu,  etc.  CINQUIEME  SERMON.  MATTH.  Ch.  XXVII.  11.  Or  lesus  estoit  devant  le  Gouverneur,  et  le  Gouverneur  V  interroga,  disant,  Es-tu  le  Uoy  des  Iuifs  ?  Iesus  luy  dit,  Tu  le  dis.  12.  Et  estant  accuse  par  les  principaux  Sacrificateurs  et  Prestres,  il  ne  respondoit  rien.  13.  Adonc  Pilate  luy  dit,  N^ois-tu  pas  combien  de  tesmoignages  ils  disent  contre  toy?  14.  Et  il  ne  luy  respondit  point  a  aucune  parolle,  tellement  que  le  Gouverneur  s'esmerveilloit  grandement  15.  Or  il  avoit  de  coustume  a  la  feste  de  lascher  au  peuple  un  prisonnier,  celuy  qu'ils  vouloyent.  16.  Et  pour  lors  il  avoit  un  prisonnier  renomme,  qui  estoit  Barabbas.  17.  Quand  donc  ils  furent  assemblez,  Pilate  leur  dit,  Lequel  voules-vous  que  ie  vous  laisse?  Barabbas,  ou  Iesus  qu'on  dit  Christ?  18.  Car  il  scavoit  bien  qu'ils  l'avoyent  livre  par  envie.  19.  Aussi  comme  il  estoit  assis  au  siege  iudicial,  sa  femme  envoya  par  devers  luy,  disant,  Tu  n'as  que  faire  avec  ce  iuste-la:  Car  i'ay  auiourdhuy  en  songe  beaucoup  souffert  a  cause  de  luy.  20.  Mais  les  principaux  Sacrificateurs  et  les  Prestres  persuaderent  au  populaire  qu1  ils  demandassent  Barabbas,  et  qu'ils  feissent  mourir  Iesus.  21.  Et  le  gouverneur  respondant,  leur  dit,  Lequel  des  deux  voulezvous  que  ie  vous  laisse?  Ils  disent  Barabbas.  22.  Pilate  leur  dit,  Que  serayie  donc  a  Iesus,  qu1  on  dit  Christ?  Ils  disent  tous,  Qu'il  soit  crucifie.  23.  Le  gouverneur  leur  dit,  Mais  quel  mal  a-il  fait?  Et  ils  crioyent  encore  plus  fort,  disans,  Qu'il  soit  crucifie.  24.  Pilate  voyant  qu'il  ne  proufitoit  rien,  mais  que  tant  plus  le  tumulte  s'devoitr  print  de  Veau  et  lava  ses  mains  devant  le  peuple  disant,  Ie  suis  innocent  du  sang  de  ce  iuste  :  advisez-y.  25.  Et  tout  le  peuple  respondant  dit,  Son  sang  soit  sur  nous  et  sur  nos  enfans.  26.  Alors  il  leur  delivra  Barabbas:  et  apres  qu'il  eut  flagelle  Iesust  U  leur  bailla,  afin  qu'il  fust  crucifie.  Nous  avons  desia  veu  par  ci  devant  que  nostre  Seigneur  Iesus  s'est  tellement  offert  de  son  bon  gre  en  sacrifice,  pour  reparer  par  son  obeissance  toutes  nos  iniquitez,  et  les  effacer,  quil  a  voulu  estre  condamne.  Et  voyla  pourquoy  il  est  dit  qu'il  n'a  point  respondu  a  toutes  les  accusations  qui  ont  este  dressees  contre  luy.  Il  avoit  assez  de  quoy:  mais  il  a  eu  la  bouche  close,  comme  aussi  il  en  est  parle  au  Prophete  Isaie.  Et  cela  a  este  non  seulement  pour  monstrer  sa  patience,  mais  afin  de  nou3  acquerir  liberte  de  pouvoir  auiourd'huy  nous  glorifier  d'estre  iustes  et  innocens  devant  Dieu  (voire  nonobstant  que  nostre  conscience  nous  accuse  et  nous  condamne)  scachans  que  Dieu  nous  a  receus  a  merci,  et  que  toutes  nos  fautes  sont  abolies  par  la  perfection  qui  s'est  trouvee  en  nostre  Seigneur  Iesus  Christ.  Voyla  donc  comme  le  Fils  de  Dieu  nous  a  acquis  la  liberte  de  nous  pouvoir  glorifier  hardi-