46:887  887  SERMONS  fautes,  par  lesquelles  nous  meritons  d'estre  condamnez:  il  n'y  a  celuy  qui  n'ait  ce  tesmoignage-la,  engrave  en  son  coeur,  et  qui  n'en  soit  convaincu.  Maintenant  Dieu,  qui  voit  beaucoup  plus  clair  que  nous,  comment  ne  nous  condamnera-il  quand  chacun  est  contraint  de  se  condamner,  voire  en  tant  de  sortes?  Mais  voyci  nostre  Seigneur  Iesus  qui  s'est  assuieti  a  ceste  extremite-la  d'estre  accuse  devant  un  iuge  terrien,  voire  devant  un  homme  profane,  devant  un  homme  qui  n'avoit  que  son  avarice  et  son  ambition  qui  le  poussoit.  Quand  donc  le  Fils  de  Dieu  s'est  humilie  iusques  la,  cognoissons  que  c'est  afin  que  nous  puissions  venir  la  teste  levee  devant  Dieu,  et  qu'il  nous  recoyve,  et  que  nous  ne  craignions  plus  son  siege  iudicial  pour  en  reculer  :  mais  que  nous  en  osions  approcher  hardiment,  scachans  que  nous  serons  la  receus  a  misericorde.  Et  mesmes  nous  scavons  que  Iesus  Christ  a  acquis  l'authorite  et  puissance  et  empire  souverain  d'estre  le  iuge  du  monde:  et  quand  il