9:886  qui  luy  declarast  ce  qui  en  estoit  et  qui  avoit  du  meilleur  ou  luy  ou  Berengarius.  Et  nonobstant  que  sa  revelation  ne  vint  point  il  ne  laissa  den  faire  la  conclusion  toute  deliberee.  Ie  ne  scay  comment  vous  osez  tenir  une  chose  si  resolue  et  qui  a  este  ainsi  mal  arrestee  en  lesprit  de  celuy  qui  la  vous  a  baillee.  Secundement  il  Paccuse  que  voulant  une  fois  faire  ses  enchantemens  et  sorcelleries  il  print  ce  pain  qu'il  disoit  estre  Dieu  et  le  iecta  dedens  le  feu.  Dont  ung  de  ses  cardinaux  en  lieu  public  cria,  plusieurs  oyans,  que  Hildebrandus  et  luy  avoient  faict  chose  que  si  le  monde  le  scavoit  il  les  bruleroit  tous  vifs.  Allez  maintenant  et  dictes  que  le  pain  est  vostre  Dieu  a  ladveu  de  celuy  qui  la  brusle  pour  accomplir  ses  coniurations  magiques.