46:886  refaites-le:  quant  a  moy  ie  n'ay  plus  de  part  ne  portion  avec  vous,  i'en  veux  estre  eslongne:  et  ne  pensez  point  m'appaiser  yci  en  m'apportant  comme  le  payement  d'un  faquin  :  ie  n'approuve  rien  de  tout  cela.  C'est  donc  ce  que  le  Prophete  en  somme  a  entendu.  Or  nous  scavons  que  ce  qui  a  este  predit  de  nostre  Dieu  alors,  a  este  accompli  en  la  personne  de  nostre  Seigneur  Iesus  Christ,  qui  est  nostre  vray  Dieu  manifeste  en  chair.  Et  ainsi  il  a  falu  que  d'une  facon  visible  ce  passage  fust  verifie,  et  que  Iesus  Christ  ait  este  seulement  estime  trente  deniers,  c'est  a  dire  que  le  peuple  ait  use  d'une  ingratitude  si  vileine  envers  luy,  qui  estoit  le  Pasteur  eternel,  que  Dieu  avoit  constitue  sur  ce  peuple.  Il  est  certain  que  d'autant  que  le  peuple  s'est  laisse  gouverner  de  Dieu,  aussi  nostre  Seigneur  Iesus  a  fait  tousiours  office  de  Mediateur,  voire  combien  qu'il  ne  fust  point  encores  apparu  en  chair  humaine.  Et  nous  faut  bien  retenir  ceci,  afin  que  nous  apprenions  de  nostre  coste,  si  Dieu  nous  a  fait  la  grace  de  nous  recueillir  comme  sous  sa  main,  et  que  nous  luy  soyons  son  troupeau,  et  qu'il  nous  donne  nostre  Seigneur  Iesus  Christ  pour  Pasteur,  que  nous  ne  le  picquions  pas  tellement  que  son  Esprit  soit  contriste  et  ennuye  de  nos  rebellions  et  ingratitudes:  et  aussi  que  nous  ne  le  payons  point  de  neffles  (comme  on  dit  en  commun  proverbe)  mais  d'autant  qu'il  se  donne  a  nous,  que  nous  le  tenions  pour  nostre  Dieu  et  Roy,  que  nous  luy  dedions  toute  nostre  vie,  et  que  nous  ne  luy  apportions  point  un  payement  tel  qu'il  le  reiette:  mais  que  nous  luy  presentions  et  nos  ames  et  nos  corps.  Car  c'est  bien  raison  aussi  qu'il  ait  toute  preeminence  par  dessus  nous.  et  qu'il  nous  possede  en  tierement,  quand  nous  voyons  qu'il  ne  cherche  sinon  nostre  salut.  Or  pour  faire  fin  et  conclusion,  il  est  dit  que  nostre  Seigneur  lesus  estant  amene  devant  Pilate  ria  rien  respondu,  et  que  Pilate  Va  interrogue  en  disant.  Ne  parles-tu  point?  N'e  vois-tu  pas  les  tesmoignages  que  ceux  yci  amenent  contre  toy?  et  qu'il  s'est  teu,  tellement  que  le  iuge  s'en  est  esbahi.  Or  en  premier  lieu  nous  avons  yci  a  reduire  en  memoire,  quand  nostre  Seigneur  Iesus  Christ  est  comparu  devant  un  iuge  terrien,  que  c'a  este  afin  que  nous  fussions  exemptez  et  absous  de  la  condamnation  que  nous  avions  meritee  devant  le  Iuge  celeste.  Nous  scavons  que  nous  ne  pouvons  pas  fuir  ce  qui  est  dit  par  le  Prophete  Isaie,  qu'il  faudra  que  tout  genouil  soit  ploye  devant  Dieu.  Or  puis  que  voyla  Dieu,  qui  est  le  Iuge  du  monde,  comment  pourrons  nous  subsister  devant  sa  face,  et  devant  sa  maieste?  Il  n'y  a  celuy  de  nous  qui  ne  soit  contraint  de  se  condamner  cent  mille  fois.  Quand  nous  n'aurions  vescu  qu'un  an  au  monde,  il  y  a  desia  cent  mille  56*