46:885  885  DE  LA  PASSION.  886  ses  Anges,  et  devant  tout  le  monde,  quand  nous  les  aurons  ainsi  cognues  de  nostre  coste.  Or  finalement  l'Evangeliste  allegue  un  passage  du  Prophete,  pour  monstrer  que  ceci  n'est  point  recite  seulement  pour  le  peche  de  Iudas,  et  pour  l'obstination  diabolique  des  Sacrificateurs,  mais  pour  la  condamnation  de  tout  le  peuple  en  general.  Il  dit  donc,  que  ce  qui  estoit  escrit  par  le  prophete  a  este  accompli,  que  Dieu  a  este  estime  trente  deniers,  et  que  cela  a  este  mis  au  champ  de  potier.  Or  Zacharie  duquel  ce  passage  est  tire,  accompare  nostre  Seigneur  Iesus  Christ  a  un  Pasteur,  et  dit  que  voulant  gouverner  le  peuple  des  Iuifs,  il  avoit  prins  son  baston,  ou  sa  houlette,  qui  se  nommoit  Beaute,  pour  dire  qu'il  avoit  un  estat  si  bien  ordonne  qu'il  estoit  possible  en  ce  peuple-la,  voire  s'il  eust  souffert  d'estre  conduit  de  la  main  de  Dieu.  Car  y  a  il  rien  plus  desirable?  Et  qu'ainsi  soit,  ou  est  nostre  ioye  et  nostre  felicite  souveraine,  sinon  que  Dieu  ait  le  soin  de  nostre  salut,  et  qu'il  face  office  de  pasteur  envers  nous?  Voyla  donc  un  gouvernement  de  Dieu  qui  estoit  en  ce  peuple,  quand  il  est  parle  de  ceste  verge:  non  point  d'un  baston  qui  soit  pour  fraper  et  pour  casser  tout,  mais  pour  conduire  et  gouverner  paisiblement  les  brebis  qui  se  rendent  dociles.  Or  il  est  dit  qu'encores  il  a  pris  la  seconde  verge:  comme  de  fait  quand  le  peuple  a  este  retire  de  la  captivite  de  Babylone:  Dieu  s'est  alors  remis  en  estat  de  pasteur:  apres  une  telle  dissipation  et  si  horrible  qui  avoit  este  auparavant,  il  a  recueilli  le  peuple  pour  le  gouverner  paisiblement  sous  sa  main.  Mais  en  la  fin  il  y  a  eu  une  ingratitude  si  vileine,  qu'il  faut  que  Dieu  quitte  la  tout.  Et  pourtant  il  dit,  Ho,  ie  voy  bien  que  c'est,  ie  ne  fay  que  perdre  et  mon  temps  et  ma  peine  avec  vous.  Et  parle  la  a  la  facon  commune  des  hommes:  Or  sus  guittons  marche,  payez  moy,  et  que  ie  m'en  aille.  La  dessus  ils  luy  ont  apporte  trente  deniers.  Et  quoy,  dit-iL  est-ce  la  recompense  et  le  payement  que  i'ay  de  vous?  Car  quand  il  parle  de  trente  deniers,  il  regarde  aux  oblations  qui  se  faisoyent  au  Temple.  Ce  n'estoyent  (ainsi  qu'ils  en  usoyent  en  hypocrisie  sans  foy  et  sans  repentance)  que  vaines  ceremonies  lesquelles  neantmoins  les  Sacrificateurs  et  les  Iuifs  prisoyent  beaucoup.  Comme  auiourd'huy  les  Papistes,  quand  ils  auront  fait  beaucoup  d'agios,  et  toutes  les  belles  devotions,  il  leur  semble  que  Dieu  leur  est  quasi  redevable.  Or  Dieu  dit  que  ce  n'est  que  fatras  de  tout  cela.  Comment,  dit-il,  est-ce  yci  ce  que  i'ay  gaigne  apres  vous?  Et  bien,  voyla  le  payement  d'un  pasteur,  et  i'en  suis  bien  tenu  a  vous.  Ho,  ho,  non,  ie  n'en  ay  que  faire:  Allez  ietter  cela  a  la  tuilerie,  et  que  vous  en  refaciez  vos  troias  et  vos  pertuis:  allez  ie  vous  quitte,  et  employez  cela  en  tuile.  Comme  s'il  disoit,  S'il  pleut  en  vostre  Temple,