9:884  peult  veoir,  nous  disons  que  ce  nest  pas  le  corps  naturel  de  nostre  seigneur  Iesus  ne  son  sang  naturel  qui  nous  sont  donnez  en  sa  saincte  cene.  Mais  que  cest  une  communication  spirituelle  par  laquelle  en  vertu  et  en  efficace  il  nous  faict  participans  de  tout  ce  que  pouvons  recepvoir  de  grace  en  son  corps  et  son  sang,  ou  encore,  pour  mieux  declairer  la  dignite  de  ce  mystere,  par  laquelle  il  nous  faict  vrayement  participans  de  son  corps  et  son  sang,  mais  le  tout  spirituellement  cest  a  dire  par  le  lien  de  son  esprit.  Et  affin  que  vous  entendiez  que  ceste  interpretation  nest  pas  glose  inventee  ne  songee  de  nostre  teste,  ie  vous  monstreray  comment  elle  nous  est  clairement  baillee  par  les  propres  parolles  de  deux  apostres.  Car  au  lieu  que  S.  Matthieu  et  S.  Marc  escripvent  que  nostre  Seigneur  en  baillant  le  calice  dict:  Cest  mon  sang,  S.  Luc  et  S.  Pol  disent:  cest  le  nouveau  testament  en  mon  sang.  Cest  a  dire  la  nouvelle  alliance  que  le  pere  a  faicte  avec  nous  oubliant  et  efiaceant  noz  iniquitez  par  sa  misericorde,  nous  recepvant  a  grace  et  a  mercy  pour  ses  enfans  et  heritiers  de  son  royaume,  escripvant  sa  loy  en  noz  cueurs  par  son  esprit.  Laquelle  alliance  a  este  confermee  et  ratifiee  par  le  sang  de  Iesus.  Or  si  ce  que  disoit  nostre  seigneur  Ce  calice  est  mon  sang,  par  interpretation  de  S.  Luc  et  S.  Paul  ne  vault  autre  chose  a  dire  sinon  que  cest  le  testament  en  son  sang  :  pareillement  ce  que  est  dict  du  pain  que  cest  le  corps  na  autre  intelligence  si  non  que  cest  le  testament  en  son  corps:  veu  que  ne  faictes  aucune  difficulte  que  ce  qui  est  dict  tant  du  pain  que  du  vin  ne  soit  prins  en  une  mesme  signification.  Si  ie  vous  ay  satisfaict  a  voz  faulses  obiections  comme  a  mon  advis  devez  estre  plainement  contente,  ie  vous  admoneste  et  prie  de  ne  nous  plus  imposer  que  en  cest  endroict  nous  contredisons  a  tous  les  anciens  docteurs  avec  lesquelz  sommes  tant  bien  daccord,  ne  que  nous  corrumpons  lescripture  pour  nostre  plaisir,  quand  contrainctz  par  si  vives  raisons  nous  linterpretons  a  la  vraye  analogie  de  la  foy,  ne  que  nous  la  glosons  de  nostre  teste  quand  nous  ne  luy  donnons  glose  qui  ne  soit  en  elle  mesme  exprimee.  II.  Seance  du  7.  Octobre.x)  Puis  qu'il  a  este  fait  memoire  de  Hildebrandus  premier  determinateur  de  ceste  prodigieuse  trans-  1)  Voyez  les  Actes  du  colloque  I  e.  fol  238  ver  so  (Ruchat  IV.  327).  On  discutait  l'article  8  et  Calvin  prit  la  parole  pour  attaquer  le  dogme  de  la  transsubstantiation  dans  la  personne  du  pape  Gregoire  VIL