9:883  883  ORATIONES.  884  cumference,  nayans  nulles  proprietez  de  leur  nature.  Vostre  iugement  propre  vous  convainque  que  ceste  absurdite  nest  nullement  a  conceder.  Non  plus  donc  ne  le  fault  il  accorder  du  corps  de  Christ  auquel  (selon  le  tesmoignage  de  lapostre)  ilz  seront  semblables.  Ie  vous  demande  outreplus  si  nous  ne  mangeons  pas  le  mesme  corps  et  en  mesme  forme  que  le  mangeoient  les  Apostres  en  la  Cene?  Ce  que  ne  pouvez  nier.  Or  mainctenant  aurez  a  confesser  lun  des  deux  ou  que  les  apostres  mangeoient  le  corps  glorifie  ou  le  corps  mortel.  Si  cestoit  le  corps  mortel  par  consequent  Iesuchrist  seroit  encore  tous  les  iours  mortel  et  passible,  contre  les  escriptures,  lesquelles  nous  declarent  quil  a  devestu  tout  infirmite.  Sil  estoit  immortel  et  glorieux  il  vous  conviendra  cheoir  en  ung  autre  inconvenient  que  lors  quil  le  distribuoit  en  la  premiere  cene  en  ung  lieu  il  estoit  mortel  et  passible  en  lautre  immortel  et  glorifie.  Car  Iesuchrist  estant  assis  a  la  table  avec  ses  apostres  avoit  son  corps  mortel  et  passible  et  mesme  prochain  de  la  mort  et  passion  et  pourtant  en  la  droicte  heure  de  sa  plus  grande  infirmite.  Et  neantmoins  par  vostre  confession  il  distribuoit  son  corps  glorieux  et  immortel.  Dont  sensuivent  toutes  les  absurditez  qu'on  pourroit  imaginer,  tellement  que  les  resveries  de  Marcion  ne  furent  iamais  si  phantastiques  que  les  consequences  que  lon  pourroit  desduire  de  ce  que  vous  nous  voulez  faire  accroyre.  Et  puis  que  vous  feignez  avoir  une  si  grande  reverenee  aux  parolles  du  seigneur  pressant  tant  rigoreusement  ces  motz:  Hoc  est  corpus  meum,  ie  vous  contraindray  par  une  mesme  raison  de  separer  et  diviser,  comme  portent  les  motz,  le  corps  du  sang.  Et  par  ainsi  vous  feray  tumber  en  cest  inconvenient  de  accorder  que  le  corps  de  Christ  estant  exalte  en  la  gloire  du  royaume  celeste  peult  estre  divise  de  son  sang:  ce  qui  est  abominable  a  penser.  Car  nostre  seigneur  disant:  voicy  mon  corps,  en  monstrant  le  pain,  et  en  monstrant  le  vin:  cest  mon  sang,  il  monstre  le  corps  a  part  et  le  sang  a  part.  Et  cest  une  moquerie  de  alleguer  ceste  concomitance  par  laquelle  avez  accoustume  de  evader.  1)  Car  si  au  calice  estoit  le  corps,  ce  eust  este  faulcement  parle  au  seigneur  de  verite  de  dire:  Ce  est  mon  sang:  principalement  apres  avoir  demonstre  separement  son  corps.  Pourtant  si  nous  nous  tenons  aux  motz  comme  vous  le  voulez,  il  ne  reste  plus  sinon  de  confesser  que  soubz  le  pain  est  le  corps,  soubz  le  vin  est  le  sang,  et  de  les  separer  en  ceste  maniere.  En  quoy  ie  vous  laisse  a  considerer  combien  il  y  auroit  de  absurdite.  Pour  ces  raisons  qui  sont  de  telle  importance  que  chacun  1)  Conjecture.  Mot  a  moitie  tllisible.