46:883  883  SERMONS  884  ne  nous  arrestons  point  encores  la  du  tout:  Car  ce  n'est  point  une  droite  repentance:  mais  voyci  l'examen  par  lequel  nous  pourrons  scavoir  si  nous  sommes  vrais  repentans  ou  noD.  C'est  quand  de  nostre  bon  gre  nous  chercherons  appointement  avec  Dieu,  et  que  nous  ne  fuirons  pas  d'estre  iugez  de  luy,  voire  moyennant  qu'il  nous  recoyve  a  merci.  Ce  qu'il  fera  apres  que  nous  nous  serons  condamnez:  car  celuy  qui  sera  son  iuge  pour  se  condamner  devant  Dieu,  devant  les  Anges  et  devant  les  hommes,  il  sera  iustifie  et  absous,  d'autant  qu'il  ne  demande  sinon  que  Dieu  luy  soit  propice.  Voyla  donc  en  somme  ce  que  nous  avons  a  observer.  Or  il  a  falu  que  ceste  confession  de  Iudas  se  fist,  pour  rendre  tant  plus  inexcusables  les  Sacrificateurs.  Aussi  l'Evangeliste  fait  ce  recit,  a  ce  que  nous  contemplions  tant  mieux  l'aveuglement  que  Satan  avoit  mis  en  tous  ces  reprouvez:  et  qu'un  chacun  de  nous  pense  a  soy.  Et  quand  Dieu  nous  propose  de  tels  exemples  de  son  ire  et  de  sa  vengence,  et  qu'il  monstre  que  les  hommes  sont  comme  forcenez,  qu'ils  sont  desprouveus  de  sens  et  de  raison,  quils  sont  (brief)  abbrutis  pour  se  precipiter  avec  une  furie  infernale  :  c'est  afin  qu'un  chacun  de  nous  baisse  la  teste,  et  que  nous  cognoissions  que  souvent  nous  en  pourrions  la  venir,  sinon  que  nous  fussions  preservez  par  la  bonte  et  grace  de  nostre  Dieu.  Et  cependant  avisons  de  ne  point  batailler  contre  nostre  propre  conscience  comme  ont  fait  les  Sacrificateurs:  car  tous  ceux  qui  s'endurcissent  ainsi  contre  Dieu,  en  la  fin  tomberont  tellement  en  sens  reprouve,  qu'il  n'y  aura  plus  nulle  raison  en  eux:  et  mesmes  apres  s'estre  ainsi  desbordez  devant  Dieu,  ils  quitteront  aussi  toute  honte  devant  les  hommes.  Car  c'est  bien  raison  que  leur  turpitudo  soit  manifeste  a  tous,  et  qu'ils  soyent  mis  en  telle  opprobre  qu'un  chacun  ait  horreur  de  leur  vilenie.  Voyla  donc  pourquoy  l'Evangeliste  nous  a  yci  recite  que  quand  Iudas  est  venu  pour  rendre  l'argent,  les  Sacrificateurs  n'en  ont  este  nullement  esmeus.  Vray  est  qu'ils  disent  bien  qu'il  n'est  pas  licite  de  le  mettre  au  coffre  du  thresor,  mais  que  c'est  pris  de  sang.  Et  voyla  comme  tousiours  les  hypocrites  garderont  bien  ie  ne  scay  quelles  mines  pour  faire  ombre  et  couverture  de  leurs  iniquitez:  mais  ce  n'est  qu'en  se  mocquant  de  Dieu  car  iamais  ne  vienent  en  integrite  et  rondeur  a  luy:  car  qu'estce  de  dire:  Ho,  nous  ne  mettrons  point  cest  argentei  avec  les  oblations  sacrees,  pour  ce  que  c'est  pris  de  sang.  Et  donc  cest  argent-ci  avoit-il  este  pris?  On  scait  que  les  Sacrificateurs  vivent  des  oblations  du  Temple:  comme  auiourd'huy  en  la  Papaute  ceux  qui  se  disent  Prelats  et  gens  d'Eglise  gourmandent  les  oblations,  et  ne  regardent  pas  a  quoy  ils  les  appliquent:  mais  combien  que  les  Sacrificateurs  eussent