9:882  quil  descende  au  centre  de  la  terre  soit  quil  fuye  iusques  au  bout  de  la  mer.  Pourtant  lescripture  tellement  nous  testifie  que  Dieu  est  par  tout  que  pareillement  elle  nous  declaire  quil  nest  contenu  en  nul  lieu,  comme  disoit  Salomon  que  tous  les  cieux  ne  le  peuvent  comprendre.  Mais  encore  ce  que  est  dict  de  lessence  divine  ne  se  doibt  entendre1)  a  lhumanite  de  Christ  laquelle  a  sa  propriete  distincte  de  la  divinite.  Et  si  vous  me  obiectez  quo  tout  ce  que  est  dict  de  Dieu  appartient  a  Iesuchrist  duquel  lhumanite  nest  pas  separee  de  la  divinite,  la  response  est  facile  que  combien  que  Iesuchrist  quand  il  a  prins  chair  humaine  ait  conioint  sa  nature  divine  a  nostre  humanite  en  union  de  personne,  tellement  que  (comme  dict  S.  Iehan)  la  parolle  a  este  faicte  chair  et  ung  mesme  Iesuschrist  est  Dieu  et  homme.  Toute  ceste  union  est  sans  confusion  ainsi  mesme  que  vous  est  enseigne  au  Symbole  d'Athanase.  Et  aussy  il  ne  sensuit  pas  que  si  la  divinite  de  Christ  est  infinie  que  consequemment  son  corps  aussy  le  soit.  Et  en  parlant  ainsi  nous  ne  divisons  pas  Iesuchrist  mais  seulement  nous  distinguons  les  proprietes  des  deux  natures  qui  sont  entieres  en  luy,  comme  sans  diviser  lhomme  lon  peult  montrer  quil  y  a  difference  entre  lame  et  le  corps.  Tout  le  monde  peult  facilement  appercepvoir  de  quelle  temerite  vous  nous  reprochez  que  les  docteurs  anciens  nous  sont  contraires.  Certes  si  vous  en  eussiez  veu  quelques  feuilletz  vous  ne  eussiez  este  si  hardy  a  faire  ung  tel  iugement  que  vous  avez  faict  nen  ayant  veu  mesmes  les  couvertures,  comme  assez  le  monstrent  les  tesmoignages  precedens.  Et  en  pourroye  encore  amener  daultres.  Mais  ie  me  suis  contente  de  ceux  qui  se  pouvoient  toucher  au  doigt  sans  les  deduire  avec  grande  subtilite.  Mainctenant  ie  vous  donneray  a  congnoistre  que  ce  nest  pas  sans  cause  ne  pour  nostre  plaisir  que  nous  ne  accordons  a  ceste  folle  opinion  qui  a  este  introduicte  sur  la  terre  par  l'astuce  de  Satan,  mais  que  estans  contrainctz  par  grandes  absurditez  qui  sen  ensuyvent  enseignons  ceste  doctrine  laquelle  vous  trouvez  tant  estrange.  Ie  laisseray  tant  de  raisons  qui  vous  ont  desia  este  remonstrees  de  lescripture.  Mais  quand  S.  Pol  dict  que  nous  attendons  nostre  saulveur  du  ciel  lequel  transformera  noz  corps  abiectz  et  mortelz  a  son  corps  glorieux,  il  afferme  plainement  que  le  corps  glorieux  dc  Christ  nest  pas  autre  ne  de  autre  nature  que  seront  les  corps  des  fideles  apres  la  resurrection.  Ie  vous  demande  si  en  vostre  conscience  vous  estimez  que  les  corps  des  enfans  de  Dieu,  lors  glorifiez,  doibvent  estre  en  toutes  places  sans  contenir  lieu,  sans  eir-  1)  estendre  (?).  56