46:882  Nom:  et  cependant  quelle  en  est  l'issue?  Que  donc  nous  apprenions  de  craindre,  et  de  cheminer  en  solicitude,  nous  remettant  du  tout  a  nostre  Dieu,  et  le  prions  qu'il  ne  permette  point  que  nous  tombions  en  telle  confusion  comme  ce  miserable.  Et  mesmes  quand  nous  y  serions  tombez,  qu'il  nous  releve  par  sa  vertu,  et  que  nous  retournions  a  luy:  non  pas  avec  une  telle  repentance  que  Iudas,  mais  avec  une  vraye  confession  et  droite.  Car  les  meschans  se  mocqueront  de  Dieu  tant  qu'il  leur  sera  possible:  ils  se  plaisent  en  leurs  pechez:  et  mesmes  ils  s'y  glorifient,  et  en  la  fin  devienent  effrontez  comme  des  putains,  ainsi  qu'il  en  parle  par  le  Prophete  Ieremie  et  Ezechiel.  Au  reste,  en  la  fin  Dieu  leur  fait  sentir  leurs  pechez,  et  sont  en  tel  effroy,  qu'ils  se  despitent  et  crient,  helas:  mais  ce  n'est  pas  pour  concevoir  quelque  esperance,  et  se  presenter  a  Dieu,  c'est  plustost  une  furie  qui  les  pousse,  ils  fuyent  tant  qu'il  leur  est  possible,  et  voudroyent  avoir  arrache  Dieu  de  son  siege.  Il  n'est  question  que  de  se  despiter,  et  de  grincer  les  dents  en  toute  rebellion  contre  luy.  Or  il  nous  faut  bien  venir  a  une  autre  repentance:  c'est  que  nous  ne  soyons  point  effarouchez,  voyans  que  nous  ne  pouvons  pas  eschapper  le  iugement  et  la  main  de  Dieu  :  mais  que  nous  confessions  nostre  peche,  et  l'ayons  en  detestation:  et  apres  que  nous  ne  laissions  pas  d'approcher  de  Dieu,  voire  nous  estans  adiournez  devant  luy  sans  que  nous  y  soyons  attirez  par  force:  Mais  que  de  nostre  bon  gre  nous  venions  pour  luy  faire  hommage,  et  confesser  que  nous  sommes  dignes  de  perir:  Et  neantmoins  nous  asseurans  que  combien  que  nous  soyons  coulpables  de  cent  mille  morts,  il  ne  laissera  pas  toutesfois  d'avoir  pitie  de  nous.  Voyla  quelle  a  este  la  repentance  de  Pierre.  Mais  celle  de  Iudas  nous*  doit  monstrer  qu'il  ne  suffit  point  d'avoir  quelque  sentiment  de  nos  fautes,  et  quelque  scrupule,  mais  qu'il  faut  que  nous  soyons  plenement  reduits  a  Dieu.  Et  ceci  est  encore  bien  notable:  pource  que  nous  voyons  comme  beaucoup,  et  quasi  tous,  se  flattent:  Quand  ils  auront  fait  confession  en  un  mot  de  leurs  fautes,  quelques  griefves  qu'elles  soyent,  il  leur  semble  que  les  voyla  quittes,  comme  s'ils  avoyent  torche  leur  bouche.  Et  mesmes  si  on  leur  fait  quelque  instance,  ils  cuident  qu'on  leur  fait  grand  tort.  Comment?  disent-ils,  n'ay-ie  pas  recognu  ma  faute?  N'ay-ie  pas  fait  penitence?  Voyla  tout  le  payement  qu'ils  en  donnent:  comme  si  Dieu  estoit  un  petit  enfant  qui  s'appaisast  de  quelque  risee,  voire  d'une  fausse  risee  qui  sera  plene  (l'hypocrisie  et  de  mensonge.  Mais  tant  y  a  que  c'est  l'ordinaire  des  hommes,  qu'ils  voudront  appaiser  Dieu  de  ie  ne  scay  quoy:  comme  il  est  dit  que  Iudas  s'est  repenti.  Craignons  donc  quand  Dieu  nous  admoneste,  et  qu'il  nous  fait  sentir  nos  fautes,  56