46:881  881  DE  LA  PASSION.  882  touchant  ces  trois  renoncemens,  par  lesquels  il  avoit  merite  d'estre  retranche  du  Royaume  de  Dieu,  sinon  que  Iesus  Christ  eust  desia  desploye  la  vertu  de  sa  mort  et  passion,  afin  de  l'attirer  a  repentance,  comme  nous  voyons  qu'il  en  est  advenu.  Or  il  est  dit  puis  apres,  que  les  sacrificateurs  et  gouverneurs  ont  pris  conseil  de  condamner  Iesus:  mais  pour  ce  que  cela  n'estoit  pas  en  leur  puissance,  ils  l'ont  amene  tout  lie  et  garrote  au  gouverneur  du  pays  qui  avoit  la  iuridiction,  c'est  ascavoir  Ponce  Pilate.  Apres  cela  l'Evangile  recite  que  Iudas  s'est  repenti,  voyant  que  Iesus  Christ  estoit  condamne,  et  a  iette  Targent  qu'il  avoit  receu  du  pris  et  payement  de  sa  trahison,  et  confesse  quant  et  quant  sa  faute.  Tant  y  a  que  les  Sacrificateurs  ne  veulent  pas  recevoir  l'argent,  mais  en  achete  un  champ  d'un  potier,  ou  il  y  avoit  eu  quelque  tuilerie,  tellement  que  ce  champ-la  estoit  inutile,  et  ne  le  pouvoit-on  cultiver  ne  semer.  Ils  achetent  doncques  ce  champ-la  pour  enterrer  les  passans:  voire,  et  le  font  sous  ombre  de  quelque  devotion  :  car  ils  disent  qu'il  n'est  pas  licite  que  c'est  argent-la  soit  mis  avec  les  offrandes  du  Temple.  La  dessus  l'Evangeliste  dit  que  ce  qui  a  este  dit  par  le  Prophete  s'est  accompli,  que  les  trente  deniers,  par  lesquels  Dieu  avoit  este  estime  du  peuple  d'Israel,  pourroyent  estre  employez  a  la  tuilerie.  Yci  nous  avons  a  considerer  ce  qui  a  desia  este  commence,  c'est  ascavoir  que  la  mort  et  passion  de  nostre  Seigneur  Iesus  ne  produit  pas  son  fruit  en  tous  hommes,  pour  ce  que  c'est  une  grace  speciale  que  Dieu  fait  a  ses  eleus  quand  il  les  touche  par  son  S.  Esprit:  et  encores  qu'ils  soyent  tombez,  il  les  releve:  encores  qu'ils  se  soyent  esgarez  comme  brebis  errantes,  il  les  redresse,  et  leur  tend  la  main  pour  les  ramener  a  son  troupeau.  Car  voyla  Iudas  qui  est  du  tout  rase  du  nombre  des  enfans  de  Dieu  :  et  mesmes  il  faut  que  sa  condamnation  apparoisse  devant  les  hommes,  et  qu'elle  soit  toute  patente.  Ainsi  apprenons  (suyvant  ce  que  i'ay  desia  touche)  de  cognoistre  en  tout  et  par  tout  la  bonte  inestimable  de  nostre  Dieu.  Car  comme  il  a  declare  son  amour  envers  le  genre  humain,  quand  il  n'a  point  espargne  son  Fils  unique,  mais  l'a  livre  a  la  mort  pour  les  pecheurs:  aussi  il  nous  declare  une  amour  qu'il  nous  porte  specialement,  quand  par  son  S.  Esprit  ii  nous  touche  de  la  cognoissance  de  nos  pechez,  et  qu'il  nous  fait  gemir,  et  nous  attire  a  soy  avec  repentance.  L'entree  donc  que  nous  avons  pour  venir  a  nostre  Seigneur  Iesus  Christ,  ne  procede  point  de  nous,  mais  c'est  d'autant  que  Dieu  nous  gouverne,  et  qu'il  luy  plaist  de  monstrer  son  election.  Et  ces  circonstances  sont  bien  a  noter:  voyci  Iudas  qui  avoit  este  disciple  de  nostre  Seigneur  Iesus  Christ,  il  avoit  fait  miracles  en  son  Calvini  opera.  Vol  XLVI.