9:880  Chrisostonie  et  lesquelz  on  mect  avec  ses  oeuvres  en  la  xje  homelie  environ  le  millieu,  voulant  remonstrer  que  cest  beaucoup  plus  grande  offense  de  nous  contaminer  et  polluer  nous  mesmes  que  de  prophaner  les  vaisseaux  ou  lon  administre  les  sacremens  de  la  cene  adiouxte  la  raison.  Pourtant  que  nous  sommes  les  vrays  vaisseaux  ou  Dieu  habite  :  en  ceux  la  nest  pas  contenu  le  vray  corps  de  Iesuchrist  mais  seulement  ]e  mystere  de  son  corps.  Il  parle  ainsy  de  mot  a  mot.  Regardez  comment  renversant  toute  vostre  doctrine  il  establist  simplement  la  nostre  disant  apertement  quil  ne  nous  fault  la  cercher  le  corps  naturel  de  Iesuchrist  mais  ung  mistere  de  la  communication  que  nous  avons  en  son  corps.  S.  Augustin  le  quel  vous  faictes  tant  vostre  on  lepistre  xxiije  bien  pres  de  la  fin  apres  avoir  parle  de  la  foy  que  apportent  ies  petiz  enfans  au  baptesme  et  avoyr  dict  que  la  locution  est  impropre  de  dire  que  les  petiz  enfans  croient,  conclud  son  intention  par  ces  similitudes.  Nous  usons,  dict  il,  de  ces  formes  de  parler  que  nous  disons  le  seigneur  estre  resuscite  le  iour  que  nous  celebrons  la  pasque  et  aussy  estre  crucifie  le  iour  que  nous  celebrons  sa  passion,  et  celuy  qui  aura  parle  en  ceste  forme  nullement  ne  sera  reprins.  Pareillement  aussy  le  pain  et  le  vin  qui  sont  sacrement  du  corps  et  du  sang  de  Christ  nous  les  appellons  aucunement  le  corps  et  le  sang:  quodammodo  vocamus  sacramenta.  Voyez  premierement  pour  quelle  raison  il  estime  que  ces  figures  de  pain  et  de  vin  puissent  estre  nommez  le  corps  et  le  sang  du  seigneur  cest  asscavoir  pource  quilz  en  sont  representation.  Davantaige  il  mect  signamment  ceste  particule  quodammodo  aucunement  pour  demonstrer  plus  clairement  et  expressement  limpropriete  qui  en  est  en  ceste  facon  de  parler.  Au  livre  contre  Adimantus  Manicheen  environ  le  millieu,  refutant  la  calumnie  que  allegoit  ledit  Adimantus  sur  ce  pessaige  de  Genese  au  9.  chap.  que  le  sang  de  la  beste  e^t  l'ame  d'icelle,  luy  dict  quil  peult  bien  exposer  cela  estre  dit  pour  denoter  que  le  sang  est  non  pas  la  substance  mais  le  signe.  Comme  le  seigneur  n'a  pas  doubte  de  dire:  voicy  mon  corps,  quand  il  donnoit  le  signe  de  son  corps.  On  ne  scauroit  plus  apertement  declarer  tout  ce  que  nous  enseignons  que  ce  que  en  est  dict  en  ces  parolles.  Tellement  que  si  nous  en  disions  autant  et  en  mesmes  parolles  vous  ne  nous  pourriez  nullement  porter.  Sus  le  pseaulme  98,  interpretant  ce  passaige  Adorate  scabellum  pedum  eius  quoniam  sanctum  est,  il  confesse  que  les  iuifz  ont  mange  le  corps  de  Iesus  Christ  en  telle  sorte  que  nous  le  mangeons.  Au  commencement  de  quelque  homelie  sur  levangile  S.  Iehan  environ  le  8e  ou  9e,  Ie  n'en  ay  pas  la  memoire  certaine,  commenceant  a  exhorter  le  peuple  d'escouter  la  voix  de  Iesus,  par