46:880  nos  sens  bien  reglez  pour  avoir  quelque  goutte  de  prudence,  quand  le  soleil  se  leve  le  matin,  ne  nous  appelle-il  pas  afin  que  nous  adorions  nostre  Dieu?  Apres,  si  nous  regardons  comment  la  terre  et  tous  elemens  font  leurs  offices,  les  bestes  et  les  arbres,  cela  nous  monstre  qu'il  nous  faut  ranger  a  nostre  Dieu,  afin  qu'il  soit  glorifie  en  nous,  et  nul  n'y  pense  toutesfois.  Le  coq  donc  aura  beau  chanter,  et  non  seulement  le  coq,  mais  Dieu  fait  chanter  et  haut  et  bas  toutes  ses  creatures,  pour  nous  exhorter  de  venir  a  luy:  et  qui  plus  est,  il  daigne  bien  ouvrir  sa  bouche  sacree  par  sa  Loy,  par  ses  Prophetes,  et  par  l'Evangile,  pour  dire,  Retournez  a  moy:  et  cependant  on  voit  comme  nous  sommes  eslou��dis,  on  voit  une  stupidite  telle  en  nous  que  nous  sommes  comme  des  monstres.  Il  faut  bien  donc  que  nostre  Seigneur  Iesus  nous  regarde  en  pitie,  comme  Pierre,  afin  de  tirer  de  nous  des  vrais  gemissemens  pour  rendre  tesmoignage  de  nostre  penitence.  Car  quand  il  est  dit  que  Pierre  a  plore  amerement,  c'est  pour  noter  la  tristesse  dont  parle  sainct  Paul  en  la  seconde  des  Corinthiens,  quand  il  dit  qu'elle  a  salut,  et  que  nous  ne  la  devons  pas  fuir,  mais  que  nous  la  devons  mesmes  chercher.  Combien  que  naturellement  'nous  voulons  nous  esiouir,  et  ne  sentir  nulle  nuisance,  si  est-ce  toutesfois  qu'il  nous  faut  avoir  de  la  melancholie.  Comme  quand  Dieu  nous  touche  d'angoisse,  il  faut  que  nous  soyons  tormentez  en  nos  coeurs  apres  l'avoir  offense:  car  telle  inquietude  est  pour  nous  amener  a  repos,  et  quelle  tristesse  est  pour  nous  faire  esiouir  et  devant  Dieu  et  devant  les  Anges.  Nous  verrons  bien  tantost  que  Iudas  s'est  repenti,  mais  c'est  d'une  autre  facon  et  diverse.  Mais  quant  a  Pierre,  il  a  plore,  pour  monstrer  qu'il  estoit  grandement  desplaisant  en  son  peche  et  quant  et  quant  ii  est  retourne  %  Iesus  Christ.  Notons  aussi  quHl  est  sorti  pour  plorer.  Vray  est  que  cela  est  procede  encores  de  sa  foiblesse,  qu'il  craignoit  devant  la  compagnie  de  monstrer��sa  repentance.  Mais  quoy  qu'il  en  soit,  quand  il  plore  seul,  il  monstre  bien  qu'il  est  touche  de  sa  faute  et  offense:  Car  il  ne  cherche  point  de  tesmoins  entre  les  hommes  pour  faire  du  repentant,  mais  estant  seul,  il  plore  devant  Dieu.  Et  voyla  aussi  comme  il  nous  en  faut  faire.  Car  si  nous  plorons  seulement  devant  les  hommes,  par  cela  nous  monstrons  nostre  hypocrisie:  Mais  quand  chacun  est  recueilli  a  soy,  et  qu'il  examine  ses  fautes  et  pechez,  s'il  est  alors  touche  d'angoisse,  c'est  signe  qu'il  n'y  a  point  de  feintise  en  luy,  et  qu'il  cognoist  son  iuge,  et  qu'il  est  la  pour  demander  pardon,  et  cognoist  bien  que  c'est  l'office  de  Dieu  de  retirer  des  abysmes  ceux  qui  sont  desia  comme  damnez  et  perdus.  Voyla  donc  en  somme  ce  que  nous  avons  a  retenir  du  recit  qui  est  yci  fait  de  la  cheute  de  Pierre,.  et