7:88  treprenne  point  sur  l'oeil,  ny  la  main  sur  le  pied  (1  Cor.  12,  21).  Et  pour  conclurre  en  peu  de  parolles  :  ie  demande  si  faire  partages  n'est  pas  chose  licite  entre  les  Chrestiens:  ou  bien  si  tout  doit  estre  confus?  Car  s'il  est  permis  de  partir  les  heritages:  celuy  qui  se  meslera  de  les  partir  ne  faict  rien  digne  de  reprehension.  Voyre,  moyennant  qu'il  soit  constitue  a  cela.  Ces  ennemis  de  police  font  apres  un  autre  argument.  Iesus  Christ  s'est  retire  en  la  montaigne,  et  s'est  cache,  quand  on  le  vouloit  faire  Roy  (Iehan  6,  15).  Il  s'ensuit  donc,  que  si  un  Chrestien  estoit  eleu  en  l'estat  de  iustice,  il  ne  le  doit  nullement  accepter:  mais  s'en  eslongner  a  l'exemple  du  maistre.  I'ay  quasi  honte  de  raconter  des  choses  tant  frivoles.  Mais  puis  que  ie  vois  que  les  simples  et  rudes  en  sont  seduis,  ie  suis  contrainct  de  advertir  comment  ilz  s'en  pourront  depescher.  Chacun  sait  la  folle  phantasie  qu'avoyent  les  Iuifz  du  Messias:  c'est  qu'il  leur  estoit  advis  qu'il  auroit  son  regne  florissant  en  ce  monde,  pour  les  faire  vivre  en  ce  monde  a  leur  aise,  et  en  bon  repos,  et  pour  les  faire  triumpher.  1)  Tellement  que  les  Apostres  mesme,  iusque  apres  sa  resurrection,  avoyent  bien  ceste  phantasie  en  leur  teste:  [page  81]  comme  sainct  Luc  monstre  au  premier  des  Actes  (v.  6).  Voyla  qui  meut  le  peuple  de  vouloir  faire  Iesus  Christ  Roy  par  force,  afin  qu'il  fust  affranchy  par  ce  moyen  de  la  subiection  des  Romains.  Pourtant  co  n'est  pas  merveille  si  nostre  Seigneur  se  cache:  veu  que  cela  procedoit  d'un  erreur  mauvais  et  pervers  et  tiroit  une  consequence  fort  pernitieuse.  Il  est  certain  que  son  Royaume  n'est  pas  charnel,  ny  de  ce  monde:  mais  spirituel,  et  qui  consiste  en  choses  non  appartenantes  a  la  terre.  Or  quel  Royaume  luy  vouloit  on  donner?2)  Si  donc  il  eust  obtempere  a,  la  follie  du  peuple,  n'eust-il  pas  conferme  l'erreur  qui  estoit  desia  par  trop  enracine?  N'eustil  pas  aussi  par  ce  moyen  ensevely  sa  grace  et  sa  vertu?  d'autant  que  on  n'eust  rien  imagine  de  luy  que  charnel.  D'avantage  il  eust  este  mis  par  sedition,  et  de  ceux  ausquelz  il  n'appartenoit  pas.  Car  puis  que  Iudee  estoit  en  la  subiection  de  l'empire  Romain,  le  peuple  n'avoit  pas  liberte  d'elire  un  nouveau  Roy  a  son  plaisir.  Ainsi  pour  ces  causes  Iesus  Christ  a  refuse  d'estre  Roy,  et  non  pas  pour  reprouver  l'estat  comme  meschant,  ou  repugnant  a  la  vie  Chrestienne.  Mais  cependant  il  est  dict  (Prov.  8,  15)  que  c'est  par  luy  que  les  Roys  regnent:  que  c'est  luy  qui  donne  la  grace  aux  gens  de  iustice,  [page  82]  de  faire  loix  et  statutz,  et  gouverner  les  peuples  en  equite.  Que  voulons  nous  1)  et  pour  les  faire  triumpher,  manque  dans  le  latin.  2)  Cette  phrase  manque  dans  la  traduction.