58:88  Or  nous-nous  prosternerons  devant  la  Maieste  de  nostre  bon  Dieu  en  cognoissance  de  nos  fautes,  le  priant  qu'il  lui  plaise  nous  les  faire  tellement  sentir,  que  ce  soit  pour  nous  y  desplaire:  et  que  nous  apprenions  de  batailler  tellement  contre  toutes  tentations,  que  s'il  faut  endurer  beaucoup  de  povretez  et  de  miseres  en  ce  monde,  quoy  qu'il  en  soit,  que  cela  ne  nous  debauche  pas,  et  que  nous  ne  declinions  point  du  bon  chemin:  mais  que  chacun  y  resiste,  et  a  soy  et  a  tous  ses  appetits,  et  a  toutes  ses  passions:  et  que  nous  servions  a.  nostre  Dieu  tellement,  que  s'il  lui  plaist  d'esprouver  nostre  patience,  en  nous  destituant  des  moyens  et  commoditez  de  ce  monde:  que  nous  portions  le  tout  d'un  courage  passible,  iusques  a  ce  que  nous  soions  recueillis  en  cest  heureux  heritage,  ou  il  ne  nous  defaudra  aucune  chose,  quelle  qu'elle  soit:  mais  la  nous  aurons  accomplissement  de  toute  ioye  et  de  toute  felicite.  Que  non  seulement,  etc.  SIXIEME  SERMON.  Genese,  chap.  XXVI.  1.  Or  il  advint  une  famine  en  la  terre  outre  la  famine  qui  avoit  este  du  temps  a"Abraham.  Et  Isaac  se  retira  vers  Abimelech  Roy  des  Philisthins  en  Gerar.  2.  Alors  le  Seigneur  luy  apparut,  et  luy  dit,  Ne  descen  point  en  Egypte:  mais  habite  en  la  terre  que  ie  te  monstreray:  3.  Que  tu  habites  comme  estranger  en  ceste  terre.  Ie  seray  avec  toy,  et  te  beniray,  et  donneray  toutes  ces  terres  a  toy  et  a  ta  semence:  et  ratifieray  mon  serment  que  i'ay  iure  a  Abraham  ton  pere.  4.  Ie  muitiplieray  ta  semence  comme  les  estoilles  du  ciel7  et  donneray  a  ta  semence  tous  ces  pays:  et  en  ta  semence  toutes  nations  de  la  terre  seront  benites.  5.  D'autant  qu'Abraham  a  obey  a  ma  voix,  et  qu'il  a  garde  mon  ordonnance,  mes  statuts,  mes  commandemens  et  mes  loix.  Nous  vismes  hier  comme  Iacob  avoit  quitte  sa  nourriture  pour  le  bien  spirituel  que  Dieu  lui  avoit  promis:  et  en  cela  il  avoit  eu  plus  de  soin  de  son  ame  que  de  son  corps.  Yci  nous  avons  un  exemple,  non  pas  du  tout  semblable,  en  Isaac  son  pere,  mais  qui  en  approche.  Car  nous  voions  comme  Isaac  a  plustost  regarde  a  l'heritage  spirituel,  que  a  tout  ce  qui  concernoit  ceste  vie  caduque.  Il  est  presse  de  famine:  et  il  n'y  a  doute  que  ce  ne  fust  son  profit  d'aller  en  Egypte.  Or  quand  il  est  empesche  par  defense  expresse,  c'est  signe  que  son  courage  a  la  tendu,  pource  que  sa  commodite  le  portoit  ainsi:  Dieu  lui  ferme  le  passage  :  et  il  obeit.  Nous  voions  donc,  comme  Isaac  n'a  point  seulement  quitte  un  potage:  mais  que  voyant  qu'il  pouvoit  beaucoup  endurer  par  l'espace  d'un  an,  toutefois  il  s'est  retenu,  et  n'a  point  cerche  son  refuge  en  Egypte:  et  a  demeure  en  la  terre  de  Gerar,  laquelle  mesme  ne  pouvoit  estre  exempte  du  tout  de  la  povrete  qui  estoit  au  pais:  car  il  est  impossible  quand  il  y  a  famine,  que  les  lieux  prochains  et  voisins  ne  s'en  sentent.  On  peut  facilement  recueillir,  qu'alors  il  n'y  avoit  nulle  cherte  en  Egypte.  Ainsi,  Isaac  nous  monstre  combien  que  les  tentations  soyent  grandes,  si  nous  sommes  destituez  de  ce  qui  nous  feroit  besoin  pour  nous  entretenir,  que  toutefois  il  nous  faut  renger  a  la  volonte  de  Dieu,  et  oublier  plustost  toutes  nos  aises,  et  nous  apprester  a  souffrir  patiemment  faute  et  disette,  que  de  cercher  nos  commoditez,  comme  maugre  Dieu.  C'est  le  premier  point  que  nous  avons  a  noter  en  ceste  histoire.  Or  il  est  dit,  Qu'il  y  avint  famine,  outre  la  famine  precedente  qui  avoit  este  du  temps  $  Abraham.