51:88  retenir  ce  qu'il  dit  en  l'autre  passage:  1  Tim-  6.  b.  8  :  Ayans  de  quoy  pour  estre  nourris  et  vestus,  contentons-nous.  Et  nous  scavons  quant  et  quant  que  Dieu  a  le  soin  de  toutes  creatures:  par  plus  forte  raison  il  l'aura  de  ses  fideles.  Ainsi  vivons  en  sobriete,  ayans  comme  au  iour  la  vie,  et  ne  faisons  point  amas  des  biens  caduques  de  ce  monde.  Quand  donc  les  ministres  de  la  parole  recorderont  ceste  lecon  la,  c'est  a  scavoir  d'estre  sobres  et  temperans  en  leur  vie:  et  puis  n'avoir  point  un  soin  plein  d'incredulite  qui  les  tormente  et  les  brusle  et  les  incite  a  amasser  tant  et  plus,  alors  ils  se  contenteront  de  peu,  et  neantmoins  on  sera  large  et  liberal  envers  eux  sans  qu'ils  en  demandent,  tellement  qu'ils  auront  tousiours  de  quoy  estre  nourris  et  vestus.  Et  de  faict  nous  voyons  outre  ce  qui  a  este  dit,  comme  sainct  Paul  non  seulement  a  prattique  ceste  doctrine:  mais  aussi  qu'il  y  a  exhorte  ses  freres  et  compagnons:  car  surtout  il  allegue  au  20.  chap.  des  Actes  qu'il  avoit  travaille  et  que  de  ses  propres  mains  il  avoit  gagne  une  partie  de  sa  vie:  mais  qu'il  vaut  beaucoup  mieux  donner  que  prendre:  car  voila  (dit-il)  ce  que  nous  devons  avoir  apprins  en  l'eschole  de  nostre  Seigneur  Iesus  Christ,  c'est  que  nous  soyons  plus  aises  quand  nous  aurons  occasion  de  bien  faire  et  donner  pour  subvenir  a  autruy,  que  quand  nous  prenons  pour  estre  riches:  car  cela  ne  peut  convenir  aux  serviteurs  de  Dieu,  qu'ils  appetent  d'amasser.  En  somme  nous  voyons  maintenant  ou  sainct  Paul  a  pretendu:  ce  n'est  pas  qu'il  voulust  lascher  la  bride  a  ceux  qui  annoncent  la  parole  de  Dieu,  qu'ils  eussent  une  table  bien  delicate  et  friande,  qu'ils  peussent  estre  braves  selon  le  monde:  mais  qu'ils  eussent  de  quoy  se  nourrir  en  telle  sobriete  comme  il  appartient  a  leur  estat.  Cependant  aussi  il  a  accuse  l'ingratitude  du  monde,  de  ce  que  ceux  qui  sont  obligez  envers  leurs  pasteurs  se  monstrent  tant  chiches,  qu'il  semble  qu'on  leur  arrache  quasi  les  entrailles  quand  il  est  question  de  subvenir  a  l'indigence  de  ceux  ausquels  ils  sont  obligez  tant  et  plus.  Et  voyant  que  ce  vice  a  regne  de  tout  temps  au  monde,  et  que  le  diable  (comme  nous  avons  dit)  par  un  tel  artifice  a  voulu  descourager  les  Pasteurs  de  faire  qu'il  n'y  eust  plus  ni  doctrine  ni  instruction,  que  nous  apprenions  que  non  sans  cause  sainct  Paul  a  donne  ceste  reigle,  qu'il  faut  que  ceux  qui  travaillent  pour  annoncer  la  parole  de  Dieu  soyent  nourris  et  substentez.  Et  auiourd'huy  nous  voyons  encores  une  plus  grande  malice  que  celle  que  sainct  Paul  accuse  et  condamne  en  ce  monde:  car  ceux  a  qui  il  ne  cou-  8tera  rien,  ne  laisseront  pas  de  gronder  et  murmurer  quand  il  sera  question  des  ministres  de  la  parole,  O  il  faut  qu'ils  soyent  nourris  en  oisivete:  87  88