50:88  bonum  expeteret:  sed  etiam  quam  miti  et  placabili  esset  ingenio,  ut  qui  offensas  tam  graves  subita  oblivione  sepeliret.  Quamquam  istud  magis  potest  alio  referri,  ut  cum  sequentibus  cohaereat:  ac  nescio  an  menti  Paulinae  melius  congruat  hic  sensus:  sed  quoniam  in  eo  parum  est  momenti,  levius  praetereo.  8.  Quoniam  etsi  contristavi  vos  in  epistola,  non  me  poenitet:  etiamsi  poenituerit.  Video  enim  quod  epistola  illa  etsi  ad  tempus  vos  contristavit,  9.  nunc  gaudeo:  non  quod  sitis  contristati,  sed  quod  sitis  contristati  in  poenitentiam.  Contristati  enim  estis  secundum  Deum:  ita  ut  nulla  in  re  damno  affecti  sitis  ex  nobis.  10.  Nam  quae  secundum  Deum  est  tristitia  poenitentiam  ad  salutem  non  poenitendam  efficit:  mundi  autem  tristitia  mortem  efficit,  ll.  Ecce  enim  hoc  ipsum  quod  secundum  Deum  contristati  estis,  quantum  produxit  in  vobis  studium?  imo  defensionem,  imo  indignationemy  imo  timorem,  imo  desiderium,  imo  zelum,  imo  vendictam.  8.  Quoniam,  ete.  Nunc  Corinthiis  excusare  incipit,  quod  aliquanto  asperius  eos  superiore  epistola  tractaverat.  Est  autem  observandum  quam  varie  agat  cum  illis,  ut  videatur  diversas  personas  sustinere.  Ratio  est,  quod  ad  totam  ecclesiam  dirigebatur  sermo.  Illic  quidam  de  eo  maligne  sentiebant,  alii  eum,  ut  merebatur,  habebant  in  summo  pretio:  alii  erant  dubii,  alii  certi:  alii  dociles,  alii  praefracti.  In  hac  diversitate  necesse  habuit  orationem  nunc  huc,  nunc  illuc  inflectere,  ut  se  omnibus  accommodaret.  Porro  severitatis,  qua  usus  fuerat,  offensionem  lenit,  vel  potius  tollit  hoc  modo,  quod  illis  cesserit  in  salutem.  Tanti,  inquit,  mihi  est  vestra  salus,  ut  quod  vobis  profuisse  video,  mihi  placeat.  Huic  moderationi  tunc  demum  est  locus,  quum  obiurgationibus  profecit  doctor  quantum  satis  erat.  Nam  si  obstinatos  adhuc  Corinthiorum  animos  manere  comperisset,  nec  ullum  sensisset  profectum  tentatae  correctionis:  nihil  certe  de  suo  rigore  priore  laxasset.  Notandum  autem  quod  se  autorem  tristitiae  fuisse  gaudet  iis  quos  amabat.  Prodesse  enim  illis  malebat  quam  placere.  Sed  quid  est  quod  addit  etiamsi  me  p  o  e  n  i  t  u  e  r  i  t  ?  Nam  si  fateamur,  Paulo  displicuisse  quod  scripserat:  sequetur  non  levis  absurditas,  inconsiderato  magis  impulsu  scriptam  fuisse  superiorem  epistolam  quam  spiritus  directione.  Respondeo,  verbum  poenitendi  improprie  hic  positum  pro  dolorem  capere.  Paulus  enim,  quum  moerore  afficeret  Corinthios,  doloris  partem  capiebat  ipse  quoque,  ac  sibi  quodammodo  tristitiam  simul  infligebat.  Perinde  ergo  est  ac  si  diceret:  Tametsi  invitus  vos  pupugi,  ac  mihi  doluit  quod  vobis  durus  esse  cogerer:  nunc  dolere  ob  hanc  causam  desino,  dum  video  utile  vobis  fuisse.  Sumamus  patris