4:88  ou  d'un  coste  ils  se  moquent  des  badinages  de  ceux  qui  s'efforcent  d'appaiser  Dieu  par  ceremonies,  disans  que  ce  ne  sont  que  ieux  de  petits  enfans:  d'autrepart  ils  enseignent,  quelque  integrite  externe  qu'il  y  ait  en  la  vie,  que  ce  n'est  pas  le  principal,  *)  veu  que  Dieu  regarde  le  coeur.  Quiconque  aura  moyennement  verse  en  l'Escriture,  comprendra  aisement  de  soy  sans  autre  docteur,  qu'en  ayant  affaire  a  Dieu  on  lie  profite  rien,  si  on  ne  ≪commence  par  l'affection  interieure  du  coeur.  Et  le  passage  de  Ioel  servira  bien  a  entendre  les  autres:  Rompez,  dit-il,  TOZ  coeurs,  et  non  pas  voz  robes  (Ioel  2,  13),  etc.  L'un  et  l'autre  aussi  sont  exposez  en  ces  mots  de  sainct  Iaques,  Vous  meschans,  lavez  vos  mains:  vous  doubles,  purgez  vos  coeurs  (Iaq.  4,  8).  Vray  est  que  l'accessoire  est  mis  en  premier  lieu:  mais  c'est  assez  que  tantost  apres  il  monstre  le  principe  et  la  fontaine:  assavoir,  de  nettoyer  les  ordures  cachees,  a  ce  que  l'autel  pour  sacrifier  a  Dieu  soit  dresse  au  coeur.  Il2)  y  a  bien  outre  plus  quelques  autres  exercices  externes,  desquels  nous  usons  ^n  particulier8)  pour  nous  humilier,  ou  pour  domter  nostre  chair,  et  en  public  pour  attester  de  nostre  repentance.  Or  le  tout  procede  de  ceste  vengeance  dont  parle  sainct  Paul.  Car  ce  sont  choses  appartenantes  a  un  coeur  afflige,  de  gemir  et  plourer,  4)  de  hayr  et  fuir  tout  plaisir,  toute  pompe  et  vanite,  de  s'abstenir  de  banquets  et  delices.  Davantage,  celuy  qui  cognoit  quel  mal  c'est  la  rebellion  de  la  chair,  cherche  tous  remedes  pour  la  reprimer:  Semblablement,  celuy  qui  pense  bien  combien  c'est  une  grieve  offense  d'avoir  viole  la  iustice  de  Dieu,  n'a  repos  ne  cesse,  iusques  a  tant  qu'il  ait  donne  gloire  a  Dieu  en  son  humilite.  Les  Docteurs  anciens  parlent  souvent  de  ces  exercices  exterieurs,  quand  ils  ont  a  traiter  des  fruits  de  penitence.  Il  est  bien  vray  qu'ils  ne  constituent  point  le  principal  poinct  de  la  penitence  en  iceux.  Toutesfois  les  lecteurs  me  pardonneront,  si  ie  dy  ce  qui  m'en  semble:  c'est  qu'ils  se  sont  trop  arrestez  a  ces  menues  choses.  Et  celuy  qui  pensera  diligemment,  m'accordera,  comme  i'espere,  ce  que  ie  dy.  5)  Car  en  recommandant  si  fort6)  ceste  discipline  corporelle,  ils  induisoyent  bien  le  peuple  a  la  recevoir  1)  n'est  pas  le  principal,  le  latin  porte  :  non  es'se  caput  poenitentiae.  2)  Ici  recommence  le  texte  de  1545.  Dans  Vedition  de  1560  ce  morceau  manque  dans  le  texte,  mais  il  est  ajoute  a  la  fin  du  volume.  3)  Le  latin  ajoute:  veluti  remediis.  4)  Le  latin  ajoute:  in  squalore.  5)  ce  que  ie  dy,  le  latin  porte:  dupliciter  eos  modum  excessisse.  6)  Car  en  recommandant  si  fort,  le  latin  est  plus  explicite  et  plus  energique  :  Nam  quum  tantopere  urgerent  ac  immodicis  elogiis  commendarent  etc.