39:88  sed  ut  mercenarii:  sic  etiam  Cicero  ipse  loquitur1):  distinguit  inter  servos  et  mercenarios,  servos  vocat  mancipia,  nempe  eos  omnes  qui  erant  sub  iure  alieno:  mercenarios  autem,  qui  operas  suas  locant,  sicuti  apud  nos  fieri  solet.  Sed,  quemadmodum  iam  dixi,  peculiaris  fuit  electi  populi  ratio.  Dominus  enim  voluit  quos  redemerat  manere  liberos,  et  frui  beneficio  liberationis  hac  in  parte.  Ergo  ut  memoria  gratiae  Dei  exstaret  apud  Israelitas,  voluit  Dominus  temporariam  illic  esse  servitutem,  sex  duntaxat  annorum  scilicet:  quoniam  autem  lex  illa  neglecta  fuerat,  hortatus  est  Zedechias  ut  servi  manumitterentur.  Nec  vero  dubium  est  quin  simul  Deus  ostenderit,  merito  hostes  externos  saevire  in  populum,  quoniam  ipsi  non  parcerent  suis  propriis  visceribus.  Quum  enim  ita  pro  libidine  sua  dominarentur  in  servos,  frustra  conquerebantur  de  Chaldaeis,  vel  Assyriis,  frustra  iactabant  iniuste  opprimi,  aut  gravari  violenta  tyrannide  Dei  populum.  Nam  primi  autores  saevitiae  ipsi  erant,  non  autem  Assyrii  et  Chaldaei.  Hac  igitur  ratione  inductus  fuit  Zedechias,  ut  populum  vocaret,  et  publico  edicto  manumitterentur  omnes  servi.  Dicit,  omnes  principes  audisse,  et  totum  populum,  qui  venerant  ad  foedus,  ut  dimitteret  quisque  servum  suum,  ete.  Deinde  adiungit,  Et  obedierunt.  jJDtt'  duplici  sensu  accipitur:  initio  versus  refertur  ad  simplicem  auditum,  secundo  autem  loco  accipitur  pro  obsequio,  vel  obedientia.  Dicit  ergo  ipsos  obedivisse  et  unumquemque  dimisisse  servos  suos.  Quum  dicit  tam  principes  quam  totum  populum  audivisse,  hoc  verbo  tollit  omnem  ignorantiae  praetextum,  ne  scilicet  excusent  se  errore  fuisse  lapsos,  vel  per  incogitantiam.  Quare?  audierant  enim.  Neque  dubium  est  quin  lex  Dei  quam  recitavimus  proposita  illis  fuerit,  ut  puderet  ipsos  tantae  iniquitatis  ac  tyrannicae  violentiae,  quam  exercuerant  erga  fratres  suos.  Auditus  igitur  cuius  fit  mentio,  ostendit  Iudaeos  prorsus  fuisse  inexcusabiles:  quia  videbant  longo  temporis  spatio  contemptam  fuisse  legem  Dei.  Et  hinc  colligimus  gravius  quemque  peccare  dum  edoctus  est  quid  rectum  sit,  et  quasi  data  opera  excutit  iugum:  sicuti  etiam  dicit  Christus  (Luc.  12,  47),  Servus  qui  novit  voluntatem  domini  sui,  et  non  facit,  gravius  vapulabit,  quam  si  quis  per  ignorantiam  delinquat.  Postea  addit,  Et  reversi  sunt  post  hoc,  nempe  postquam  audierant  et  obediverant  quum  reversi  sunt.  Hoc  reverti  ad  mutationem  consilii  refertur,  quia  scilicet  eos  statim  poenituit  suae  clementiae:  tacti  enim  fuerant  aliquo  Dei  timore:  deinde  valuerat  apud  ipsos  aequitas  et  moderatio:  paulo  post  reversi  sunt.  Nam  aliquando  verbum  hoc  accipitur  in  bonam,  aliquando  in  malam  partem.  Nunc  ergo  dicit  reversos  esse:  quia  retrocesserint  O  Cic.  Offic.  I.  c.  13  (41).  88