35:88  terre,  afin  d'estre  desliez  au  ciel.  C'est  la  principale  fin  pourquoi  Dieu  veut  que  sa  parole  nous  soit  administree:  assavoir,  Que  puis  que  nous  sommes  tous  captifs,  detenus  sous  la  damnation  eternelle,  ceux  qui  nous  sont  ordonnez  Ministres  de  la  parole  de  Dieu  nous  deslient,  qu'ils  nous  remettent  nos  pechez  c'est  a  dire  qu'ils  en  soyent  tesmoins  pour  nous  certifier.  Nous  savons  que  c'est  le  propre  office  de  Dieu  de  nous  pardonner  nos  fautes:  cela  n'appartient  point  aux  nommes:  mais  nostre  Seigneur  Iesus  a  voulu  exprimer  la  vertu  et  efficace  qui  est  en  ceste  predication,  disant  que  la  nos  pechez  nous  sont  pardonnez,  voire  par  les  hommes  mortels.  Et  voila  pourquoi  notamment  sainct  Paul  dit  (2.  Cor.  5,  18),  que  c'est  l'ambassade  de  reconciliation  qui  nous  est  commise.  Quand  donc  nous  sommes  en  une  Eglise  Chrestienne,  et  que  l'Evangile  y  est  purement  annonce:  cognoissons  que  Dieu  a  mis  en  garde  les  clefs  du  royaume  des  cieux,  aux  hommes  qui  portent  ainsi  sa  parole.  Et  pourquoi?  Afin  que  la  porte  de  salut  nous  soit  ouverte.  Cognoissons  qu'il  leur  a  donne  authorithe  de  rompre  nos  liens:  comme  il  avoit  este  predit  au  Prophete  Isaie  (61,  11),  que  Iesus  Christ  seroit  envoye  pour  annoncer  delivrance  aux  povres  captifs.  Il  n'a  point  fait  cela  seulement  en  sa  personne  ayant  accompli  ceste  promesse:  mais  il  le  fait  encores  tous  les  iours  par  ses  Ministres.  Il  est  vrai  que  Iesus  Christ  nous  a  desliez  de  la  servitude  de  peche,  et  de  la  damnation  eternelle  en  laquelle  nous  estions  de  nature:  mais  si  est-ce  qu'il  a  commis  ceste  charge  a  tous  Pasteurs  d'Eglise.  Voila  donc  ce  que  nous  avons  a  retenir,  quand  ici  Eliu  nous  monstre  le  moyen  par  lequel  Dieu  restaure  ceux  qu'il  avoit  mis  iusques  aux  enfers,  et  qui  estoyent  comme  abysmez:  c'est  qu'il  leur  donne  un  messager  qui  sera  pour  leur  declarer  la  droiture.  Or  notamment  il  parle  de  droiture^  non  pas  que  ceux  qui  nous  doivent  consoler,  usent  de  flatteries,  pour  nous  faire  a  croire  que  nous  sommes  iustes,  et  nous  preschent  nos  vertus  et  nos  merites.  Nenni:  mais  la  droiture  dont  il  est  ici  parle,  c'est  que  Dieu  se  reconcilie  avec  nous.  Et  comment?  D'autant  qu'il  ne  nous  impute  plus  nos  pechez.  Nous  sommes  donc  droits,  non  pas  en  nous-mesmes,  non  pas  de  nos  vertus:  mais  d'autant  qu'il  plaist  a  Dieu  de  nous  pardonner.  Et  c'est  un  poinct  que  nous  devons  bien  noter.  Car  quand  le  monde  cerche  ceste  droiture,  c'est  pour  apporter  a  Dieu  des  merites,  et  il  imagine  qu'encores  qu'il  ait  failli,  il  lui  pourra  apporter  quelque  satisfaction.  Voila  l'usage  commun,  ou  plustost  l'abus  auquel  les  hommes  se  trompent.  Car  s'ils  sont  tormentez  de  quelque  angoisse,  et  qu'ils  sentent  la  vengeance  de  Dieu:  ils  regardent,  Et  comment?  Et  n'ai-ie