31:88  tineat  Psalmus  ipse,  et  quorsum  spectet,  praecipue  videndum.  Proponit  quidem  sibi  David  ante  oculos  miram  Dei  virtutem  et  gloriam  in  toto  mundi  opificio  et  gubernatione:  sed  hano  partem  leviter  tantum  perstringens,  in  consideratione  summae  erga  nos  bonitatis  insistit.  Et  certe  quanquam  in  toto  naturae  ordine  amplissima  occurrit  celebrandi  Dei  materia,  quia  tamen  propria  experientia  magis  afficimur,  non  abs  re  ex  professo  specialem  erga  humanum  genus  gratiam  David  commendat:  quia  hoc  est  maxime  illustre  speculum  in  quo  perspicere  licet  eius  gloriam.  Mirum  tamen  est  cur  ab  exclamatione  incipiat,  quum  res  ipsa  prius  narrari  soleat,  quam  extolli  eius  magnitudo.  Atqui  si  tenemus  quod  alibi  dicitur,  non  posse  verbis  exprimi  Dei  opera,  nequaquam  mirum  videbitur,  Davidem  hac  loquendi  forma  se  fateri  narrationi  imparem.  Quia  ergo  David  inaestimabilem  gratiam,  qua  Deus  humanum  genus  dignatus  est,  secum  expendens,  sensus  omnes  suos  absorberi  sentit  vel  obrui,  exclamat  rem  admiratione  dignam  esse,  quia  verbis  concipi  non  potest.  Adde,  quod  spiritus  sanctus,  qui  Davidis  linguam  direxit,  non  dubium  est  quin  communem  hominum  torporem  in  illius  persona  excitet,  ne  immensum  Dei  amorem,  et  innumera  quibus  fruuntur  beneficia  parce  tantum  et  frigide  suo  more  laudent:  sed  potius  nervos  omnes  intendant  ad  hoc  pietatis  exercitium.  Nam  hoc  epiphonema  quo  usus  est  David  declarat,  ubi  intenta  ad  hanc  cogitationem  fuerit  tota  humani  ingenii  facultas,  longe  infra  subsistere.  Nomen  Dei  hic  positum  esse  interpretor  pro  celebri  eius  notitia*  quatenus  scilicet  se  nobis  patefacit,  nam  arguta  eorum  speculatio  mihi  non  placet,  quibus  nihil  aliud  est  Dei  nomen,  quam  Deus  ipse.  Nam  hoc  ad  opera  aut  virtutes  ex  quibus  cognoscitur,  potius  quam  ad  essentiam  referri  debet.  Terram  ergo  admirabili  Dei  gloria  plenam  esse  dicit,  ut  decus  eius  supra  coelos  conscendat.  Recte  enim  (mea  iudicio)  verbum  Hin  quidam  accipiunt  in  machor,  hoc  est,  infinitivo  modo,  pro  locare.  Nam  in  secundo  membro  amplificatio  est:  ac  si  dixisset  minorem  esse  terram,  quam  ut  decus  vel  magnificam  Dei  formam  contineat.  Atque  hoc  modo  "lt^X  non  erit  relativum,  sed  expletivam  vel  exegeticam  particulam  valebit.  3.  Ex  ore  infantium  et  lactentium  fundasti  robur  propter  adversarios  tuos,  ad  profligandum  inimicum  et  ultorem.  Iam  in  ipsum  argumentum  quod  tractandum  susceperat,  ingreditur:  nempe  quod  Dei  providentia  ut  se  proferat  in  humano  genere,  non  adultam  aetatem  exspectet,  sed  a  prima  usque  infantia  clare  iam  refulgeat  quantum  satis  sit  ad  refellendos  omnes  impios,  qui  profano  suo  contemptu  Dei  no-