30:88  obliviscetur:  sed  causam  ecclesiae  suae  suscipiet,  summo  cum  hostium  dedecore  et  ultimo  exitio.  Quare  quum  Deum  nostri  curam  habere  singularem  sciamus,  ne  nos  iniurias  pati  taedeat  ab  hostibus  illatas,  tantisper  dum  Deus  vindex  appareat,  et  velut  aito  fiqxavfe  auxilium  oppressis  adferat,  et  miserias  et  afflictiones  a  nobis  depellat.  Iam  vero  agite,  ete.  HOMILIA  LII.  8.  Et  apprehendit  Agag  regem  Amalec  vivum,  omne  autem  vulgus  interfecit  in  ore  gladii.  9.  Et  pepercit  Saul  et  populus  Agag,  et  optimis  gregibus  ovium,  et  armentorum,  et  vestibus,  et  arietibus,  et  universis  quae  pulchra  erant:  nec  voluerunt  ea  disperdere,  quidquid  vero  vile  fuit  et  reprobum,  hoc  demoliti  sunt  10.  Factum  est  autem  verbum  Domini  ad  Samuel,  dicens:  l  l  .  Poenitet  me  quod  constituerim  Saul  regem,  quia  dereliquit  me,  et  verba  mea  opere  non  implevit.  Contristatusque  est  Samuel,  et  clamavit  ad  Dominum  tota  nocte.  Superiore  concione  causas  docuimus,  quibus  adductus  Dominus  tam  severe  puniri  Amalecitas  voluerat:  et  praeterea  quanto  Deus  amore  nos  prosequatur  ostendimus,  quamque  illi  grati  et  accepti  simus,  quos  in  peculium  suum  adoptavit,  et  pretiosos  habet  prae  reliquo  mundo:  iam  superest  expendamus  qua  ratione  mandatum  istud  Saul  acceperit,  et  qua  in  re  ab  ipso  dum  illud  exsequitur  peccatum  sit.  Samuel  igitur  ad  Saulem  a  Domino  missus,  ut  obsequentiorem  illum  reddat,  revocat  illi  in  memoriam  electionem  suam  in  regiam  dignitatem  ipsius  Samuelis  ministerio.  Sane  qui  Dei  nomine  loquitur  debet  vocationem  suam  approbare,  ut  mortalis  dictis  fides  adhibeatur,  quem  alioqui  merito  suspectum  et  inhonoratum  esse  necesse  est.  Nam  profecto  audqciores  sunt  homines  in  Dei  nomine  mentiendo,  ut  suis  commentis  autoritatem  concilient.  In  primis  pseudoprophetas  et  impostores  Dei  nomen  suis  fallaciis  et  imposturis  tegendis  usurpasse  videmus,  et  sub  illo  tanquam  ingenti  clypeo  fraudes  suas  occultasse,  quasi  Deum  autorem  haberent.  Et  istud  hodie  vitium  maxime  videmus  regnare.  Nam  quandoquidem  pseudoprophetae  non  sunt  diligenter  ad  hanc  normam  examinati,  inde  factum  ut  tanta  tamque  horrenda  ecclesiam  confusio  pervaserit,  ut  omnia  sus  deque  in  ilia  ferantur,  et  nihil  nisi  summa  vastitas  et  ruinae  undique  appareant.  Satis  enim  fuit  quod  papa  cum  toto  comitatu  se  apostolorum  successores  esse  iactarint,  et  hierarchiam  quam  vocant  ab  iisdem  accepisse.  Denique  seductores,  et  impostores,  qui  in  ecclesiam  falsa  dogmata