27:88  regarde  a  soy.  Nous  avons  touche  par  ci  devant  que  ce  qui  estoit  dit  pour  lors  au  peuple  d'Israel,  s'adresse  aussi  bien  a  nous.  Comment  est-ce  que  nous  avons  senti  la  main  de  Dieu?  voire,  et  ceux  qui  sont  nais  en  la  ville,  et  ceux  que  Dieu  y  a  amenez  d'estrange  pays?  y  a-il  celuy  qui  n'ait  cogneu  une  vertu  admirable  de  Dieu  en  sa  delivrance  ?  Car  la  ville  n'a-elle  pas  este  comme  destinee  a  perdition  et  ruine  ?  Sembloit-il  pas  qu'elle  deust  du  tout  perir,  et  qu'il  n'y  eust  plus  de  remede  selon  les  nommes?  Or  Dieu  y  a  tellement  estendu  sa  main,  qu'on  a  veu  un  changement  incroyable.  C'a  este  comme  un  songe,  on  ne  l'eust  iamais  cuide:  ceux  qui  mesmes  y  ont  servi,  s'en  son  esbahis  apres  le  coup.  Or  maintenant  si  cela  est  mis  en  oubli:  a  qui  en  imputerons-nous  la  faute?  Et  non  seulement  Dieu  a  donne  liberte  a  ceux  qui  estoyent  en  servitude,  il  les  a  retirez  du  gouffre  de  mort,  apres  que  il  sembloit  que  tout  deust  estre  rase:  mais  il  a  voulu  regner  au  milieu  d'eux.  Il  a  ici  plante  son  Evangile,  il  y  a  dresse  son  siege  royal,  il  y  a  eleu  son  domicile,  et  son  sanctuaire.  Ceux  qui  sont  venus  d'estrange  pays,  comment  est-ce  que  Dieu  leur  a  tendu  la  main?  n'estoyent-ils  pas  aussi  bien  comme  au  gouffre  d'enfer,  en  ceste  maudite  Papaute  ?  Nous  voici  donc  tous  recueillis  sous  la  main  de  Dieu.  Et  ainsi  nous  devons  bien  priser  ceste  grace,  voire  tellement  que  nous  ne  la  preschions  point  seulement  de  bouche:  mais  qu'en  toute  nostre  vie  nous  monstrions,  puis  que  nostre  Seigneur  nous  a  acquis  a  soy,  que  nous  voulons  estre  siens,  que  nous  taschions  en  tout  et  par  tout  de  luy  complaire.  Sans  cela  il  est  certain  que  nous  n'aurons  nulle  excuse,  que  nous  ne  soyons  coulpables  cent  fois  plus  que  ne  seront  point  ceux  que  Dieu  a  la  delaissez,  et  qui  ont  continue  leur  train  sans  qu'il  se  soit  declaire  ainsi  propice,  et  favorable  envers  eux.  Au  reste  Dieu  n'a  point  seulement  besongne  envers  nous  pour  un  coup:  mais  si  nous  regardons  comme  il  a  maintenu  l'estat  qu'il  avoit  dresse  en  ceste  ville,  il  n'y  a  annee  la  ou  il  n'ait  renouvelle  ses  miracles,  et  ou  il  n'ait  fait  sentir  quelque  signe  tout  notoire,  que  tousiours  il  avoit  le  soin  de  nous,  et  qu'il  ne  nous  a  iamais  abandonnez.  Et  de  faict,  nous  sommes  plus  qu'aveugles,  si  nos  ne  cognoissons  que  nostre  vie  est  pendante  comme  d'un  filet:  car  il  ne  faudroit  que  tourner  la  main,  que  nous  serions  tous  perdus:  il  ne  faut  sinon  un  appointement,  qu'il  semble  que  toute  l'Eglise  de  Dieu  soit  abysmee.  Or  Dieu  cependant  nous  a  preservez.  En  quelle  facon?  On  ne  le  sauroit  dire.  Et  si  nous  avions  une  goutte  de  prudence,  il  est  certain  que  toutes  fois  et  quantes  que  cela  nous  vient  en  memoire,  nous  serions  esbahis,  pour  dire:  Et  Seigneur,  comment  est-ce  que  tu  as  surmonte  l'attente  des  hommes!  D'autre  coste  advi-