23:88  liberos  sedulo  admonuerit:  verum  Mosis  verba  [nimis  violenter  constringunt,  qui  non  aliter  cogijtant  loquutum  esse  Deum  quam  per  suos  ministros.  Potius  statuamus,  antequam  consignata  esset  publicis  tabulis  coelestis  doctrina,  saepe  Deum  extraordinariis  modis  patefecisse  voluntatem  suam:  atque  hoc  fuisse  fundamentum,  quod  fulciebat  verbi  reverentiam:  doctrinam  vero  per  manus  hominum  proditam,  instar  aedificii  fuisse.  Certe  quam  extenuet  commentum  illud  vim  divinae  obiurgationis,  me  tacente  omnes  agnoscunt.  Ergo  sicuti  prius  Adae  auribus  vox  Dei  insonuerat,  ut  certo  sentiret  Deum  loqui:  ita  et  nunc  ad  Cain  dirigitur.  7.  Annon  si  recte  egeris.  His  verbis  Cain  obiurgat  Deus,  quod  indigne  succenseat  :  quando  totius  mali  culpam  ipse  sustinet.  Stulta  enim  querimonia  et  indignatio  erat,  quod  sacrificia  non  placerent,  quorum  vitium  corrigere  non  studebat.  Sic  impii  omnes,  postquam  diu  multumque  contra  Deum  exarserint,  tandem  Dei  iudicio  coarguuntur,  ut  frustra  mali  causam  alio  exonerare  cupiant.  Graeci  interpretes  hoc  loco  procul  recedunt  a  genuino  Mosis  sensu.  Quum  nullae  essent  illo  saeculo  notae  vel  puncta  quibus  Hebraei  pro  vocalibus  utuntur,  proclivior  in  vocum  affinitate  in  extraneum  sensum  fuit  lapsus.  Caeterum,  quia  de  eorum  errore  cuivis  in  lingua  hebraica  mediocriter  versato  non  difficile  iudicium  est,  in  eius  refutatione  non  insistam.  Quanquam  et  linguae  hebraicae  periti  non  parum  inter  se  dissentiunt,  duntaxat  quoad  unam  vocem:  Graeci  enim  totam  sententiam  mutant.  Sed  inter  quos  de  contextu  et  summa  orationis  convenit,  dissidium  est  de  verbo  flNtP  quod  est  quidem  imperativi  modi,  sed  in  substantivum  nomen  resolvi  debet.  Neque  vero  in  eo  est  nodus,  sed  quum  verbum  Nt&O  nunc  levare,  nunc  tollere  vel  remittere,  nunc  offerre  nunc  accipere  significet,  ut  quisque  hoc  vel  illo  sensu  exponit,  ita  inter  se  omnes  variant.  Quidam  ex  doctoribus  Hebraeis  ad  vultum  referunt,  ac  si  futuram  eius  levationem  Deus  promitteret,  qui  tunc  moerore  deiectus  erat.  Alii  ex  Hebraeis  trahunt  ad  remissionem  peccatorum:  ac  si  dictum  esset,  Benefac  et  veniam  impetrabis.  Sed  quia  illi  satisfactionem  imaginantur  quae  gratuitae  veniae  derogat,  longe  a  Mosis  sensu  dissident.  Propius  ad  verum  accedit  tertia  expositio,  levationem  pro  honore  accipi,  in  hunc  modum:  Non  est  quod  fraterno  honori  invideas,  quia  si  to  recte  gesseris,  in  eundem  honoris  gradum  te  quoque  evehet  Deus,  qui  nunc  tuis  peccatis  offensus  ignominiae  damnavit:  sed  ne  haec  quidem  mihi  probatur.  Subtilius  alii  philosophantur,  quod  habiturus  sit  Cain  Deum  propitium,  et  eius  gratia  sublevandus  sit,  si  ex  fide  afferat  cordis  puritatem  cum  externis  sacrificiis,  quibus  ego  quidem  permitto  sensu  suo  frui:  sed  vereor  ne  parum