22:88  5.  Lhomme  en  soy  damne.  Puis  que  lhomme  est  naturellement  (ainsi  comme  dit  a  este)  despourveu  et  desnue  en  soy  de  toute  lumiere  de  Dieu  et  de  toute  iustice,  nous  recongnoissons  quen  soymesmes  il  ne  peult  attendre  que  lire  et  la  malediction  de  Dieu,  et  pourtant  quil  doibt  chercher  autre  part  quen  soy  le  moyen  de  son  salut.  6.  Salut  en  Iesus.  Nous  confessons  doncques  que  Iesuchrist  est  celuy  qui  nous  a  este  donne  du  Pere,  affin  quen  luy  nous  recouvrions  tout  ce  qui  nous  deffault  en  nousmesmes.  Or  tout  ce  que  Iesuchrist  a  faict  et  souffert  pour  nostre  redemption,  nous  le  tenons  veritable  sans  aucune  doubte,  ainsy  quil  est  contenu  au  Symbole  qui  est  recite  en  lEglise,19)  cest  assavoir  :  Ie  croy  en  Dieu,  le  Pere  tout  puissant,20)  createur  du  ciel  et  de  la  terre,  et  en  Iesuchrist  son  seul  Filz,  nostre  Seigneur,  qui  a  este  conceu  du  Sainct  Esprit,  nay  de  la  vierge  Marie,  a  souffert  soubz  Ponce  Pilate,  a  este  crucifie,  mort  et  ensepvely,  est  descendu  aux  enfers,  le  tiers  iour  est  resuscite  des  mortz,  est  monte  es  cieulx,  est  assis  a  la  dextre  de  Dieu  le  Pere  tout  puissant,  et  de  la  viendra  iuger  les  vifz  et  les  mors.  Ie  croy  au  Sainct  Esprit,  la  saincte  Eglise  universelle,  la  communion  des  sainctz,  la  remission  des  pechez,  la  resurrection  de  la  chair,  la  vie  eternelle.  Amen.  7.  Iustice  en  Iesus.  Pourtant  nous  recongnoissons  les  choses  qui  sensuyvent21)  nous  estre  donnees  de  Dieu  en  Iesuchrist:  Premierement  que,  estans  de  nostre  nature  ennemys  de  Dieu,  subiectz  a  son  ire  et  iugement,  nous  sommes  reconciliez  avec  luy  et  remis  en  sa  grace  par  intercession  de  Iesuchrist,  daultant  que  en  sa  iustice  et  innocence  nous  avons  remission  de  noz  iniquitez  et  que,  par  leffusion  de  son  sang,  nous  sommes  purgez  et  neetoiez22)  de  toutes  noz  macules.  19)  Ces  cinq  derniers  mots  manquent  dans  Ie  latin.  20)  Tout  le  reste  est  omis  dans  le  texte  latin.  Les  var  tantes  de  V  autre  texte,  ci-dessus  p.  52,  sont  de  peu  di  importance.  21)  haec  beneficia.  22I  abluti.