21:88  luy  fist  de  s'espargner:  tellement  que  durant  ce  iemps-la,  outre  infinies  lettres  qu'il  escrivoit  a  diverses  personnes,  et  les  responses  qu'il  donnoit  de  bouche  de  plusieurs  affaires  dont  on  luy  demandoit  conseil,  il  commenca  et  paracheva  sa  derniere  Institution  Chrestienne,  Latine  et  Francoise,  de  laquelle  nous  parlerons  en  la  conclusion.  Cependant  ainsi  qu'on  imprimoit  la  preface  dudit  livre,  il  receut  nouvelles  certaines  d'Auspourg,  ou  les  estats  de  l'Empire  se  tenoyent,  que  la  avoit  couru  un  grand  bruit  qu'ils  s'estoit  revolte  a  la  Papaute  :  lequel  avoit  este  recueilli  par  les  cours  des  Princes  avec  trop  grande  facilite.  Ce  qui  toutesfois  ne  le  peut  descourager  de  tousiours  persister  vertueusement  en  sa  vocation.  Car  de  ce  temps-la  mesme,  il  revit  et  racoustra1)  son  Commentaire  sur  Isaie,  qui  avoit  desia  este  imprime  l'an  1551.  Davantage  lors  furent  imprimees  ses  lecons  sur  tous  les  petis  Prophetes,  car  auparavant  on  avoit  seulement  imprime  les  lecons  sur  Osee  a  part.  Or  avoit-ii  leu  tous  les  petis  Prophetes  quand  la  fievre  quarte  le  print;  il  s'en  faloit  seulement  deux  ou  trois  dernieres  lecons  sur  Malachie.  Pourtant  [f  5]  quand  l'Imprimeur  fut  pres  de  cest  endroit-la,  afin  que  l'oeuvre  ne  demeurast  imparfaicte,  Calvin  fit  lesdictes  lecons  en  sa  chambre,  a  quelque  nombre  de  personnes  qui  s'y  peurent  trouver  (pource  qu'a  cause  de  sa  fievre  et  mesmement  de  l'hyver,  il  ne  luy  estoit  pas  bon  de  sortir  a  l'air)  et  furent  icelles  lecons  recueillies  de  sa  bouche  ainsi  que  les  autres,  et  comme  elles  sont  imprimees.  Ladite  fievre  quarte  avoit  longs  accez  et  grande  ardeur,  et  encores  apres  qu'elle  l'avoit  laisse,  mesmement  si  c'estoit  sur  le  soir,  il  estoit  sans  manger  iusques  au  lendemain  a  disner,  tellement  que  quelques  fois  il  estoit  48  heures  sans  manger  ne  boire,  et  cependant  il  sentoit  au  dedans  une  merveilleuse  secheresse  toute  la  nuict  :  mais  il  s'estoit  si  bien  accoustume  de  longue  main  a  sobriete  et  temperance,  et  a  tenir  en  bride  ses  appetis,  que  c'estoit  une  chose  incroyable.  Vray  est  que  quelques  fois  les  medecins  luy  ayans  remonstre  qu'a  faire  ainsi  il  s'assechoit  par  trop,  il  essaya  de  prendre  un  potage  le  soir  apres  l'accez  termine:  mais  quelques  heures  apres  sa  migraine  le  prenoit,  qui  lui  donnoit  quasi  autant  de  peine  que  la  fievre.  Dont  il  fut  contraint  d'observer  ceste  longue  abstinence,  ou  en  approcher  de  pres.  En  ce  temps-la,  assavoir  au  mois  de  Mars  1559,  M.  Pierre  Viret  pour  bonnes  raisons,  avec  certains  autres,  sortit  du  lieu  ou  ils  estoyent,  et  se  retira  a  Geneve:  ou  il  fut  prie  tant  par  les  Magistrats  que  par  Calvin  et  les  autres  Ministres,  de  faire  office  de  Pasteur  de  l'Eglise.  Ce  qui  fut  pour  suppleer  aucunement  au  defaut  advenu  par  la  longue  mala-  1)  mit  en  meilleure  forme  F.