11:88  tam  perturbato  statu  sola  necessitatis  consideratione  quidquid  erit  difficultatis  debeas  et  possis  superare,  idque  hoc  magis  quod  nondum  omnia  sint  ita  deplorata,  quin  per  tuum  ministerium  multa,  imo  vero  omnia,  illic  restitui  posse  sit  nobis  exploratissimum.  Tam  enim  fuimus,  propitio  Christo,  hac  in  re  exploratores  diligentes,  ut  nihil,  quod  ad  eius  rei  fidem  et  tibi  et  nobis  faciendam  pertineret,  possit  quis  a  nobis  quidquam  desiderare.  Cuius  quidem  explorationis  omnem  modum  et  rationem  Farel  ipso  exponet  tibi  accurate.  Quem  dum  cupidissime  audies  fidelissime  omnia  recensentcm,  nihil  dubito  quin  ad  tantam  summi  numinis  benignitatem  et  clementiam,  in  tanta  populi,  ut  hactenus  fuit,  ingratitudine  et  iniquitate  prorsus  obstupescas,  ita  tamen  ut  intelligas,  his  tantis  initiis  te  ad  suum  tuumque  populum  velut  signis  elatis  revocari,  quo  quod  a  te  et  Farel  iactum  erat  magna  felicitate  felicique  per  initia  successu  fundamentum,  et  post  astu  Satanae  per  certa  hominum  monstra  misere  divulsum  et  paene  subversum,  ad  suam  integritatem  et  aequabilitatem  per  vos  componatur  et  restituatur.  Haec,  o  Calvine,  tot  tantisque  signis  Domini  voluntas  esse  comprobatur.  Neque  enim  temere  fieri  putandum,  quod  qui  vestrae  proscriptionis  autores  fuerunt  ipsi  aut  hanc  vitam  cum  tanta  talis  mortis  infamia  commutarunt,  aut  solum  exsilii  causa  verterunt.  In  tanta  sane  iudiciorum  Domini  luce  aliquid  videt  et  multa  sentit  miserabilis  populus.  Palam  idem  et  aperte  sentit,  quibus  artibus  ingressi  sunt  qui  tam  turpiter  exierunt.  Nam  verbis  paene  sunt  iam  publice  fassi,  quod  olim  post  vestrum  discessum  suo  qualicunque  ingressu  re  ipsa  satis  testabantur,  se  non  tam  pastores  quam  vicarios  fuisse.  Quod  ipsum  Mco.l)  ad  Genevensem  S.  P.  Q.  scribere  nihil  dubitavit.  Merito  itaque  populus  vos  agnoscit,  vos  requirit  pastores:  fatetur  culpam,  sentit  errorem,  cupit  a  vobis  per  Christum  agnosci,  ignosci  et  reduci.  Agnoscite,  ignoscite,  reditu  vestro,  conspectu  vestro:  reducite  ministerio  vestro.  Relinque  istic  nonaginta  novem  ecclesias.  Video  enim  quibus  exaggerationibuo  utentur  qui  te  velint  retinere.  Satis  habent  aliorum  et  bonorum  pastorum.  Offer  te  huic  erranti  oviculae,  quae  dum  in  erroris  sui  tam  periculosi  tanto  sensu  talique  cognitione  tam  diligenter  te  quaerit,  tam  anxie  te  expetit,  minus  erit  laboris,  nihil  molestiae,  in  ipsa  ad  caulam  dominicam  reducenda.  Sed  nae  ego  vanus  qui  te,  iam  huc  tua  sponte  summaque  celeritate  accurrentcm,  his  calcaribus  velim  vehementius  urgere.  Dominus  te  quo  coepit  spiritu  ad  honestissima  quaeque,  quaeque  maxime  ad  suam  gloriam  suaeque  ecclesiae  pro-  240.  1)  Morandus?  (N.  232.)  Caeterum  non  hic  solus  sed  et  Marcurtius  m.  Augusto  senatui  se  diutius  manere  non  posse  declaravit  et  Septembre  abierat.  'Roget,  I.  p.  271  sqq.