9:879  879  ORATIONES.  880  soy  ce  que  est  dict  de  lanteclirist  qui  se  eslevera  par  dessus  toute  hautesse  et  toute  gloire  qui  se  donne  a  Dieu.  Mais  nous  ne  voulons  pas  mectre  ces  sainctz  personnaiges  au  reng  de  lanthecrist  les  faisant  adversaires  et  ennemis  de  Iesus  duquel  ilz  ont  este  bons  serviteurs.  En  somme  nous  leur  faisons  tel  honneur  qui  leur  peult  appartenir  selon  Dieu,  nous  servans  deux  et  de  leur  ministere  pour  cercher  la  verite  de  Dieu,  affin  que  layans  trouvee  nous  lescoutions  avec  eux  et  observions  en  toute  humilite  et  reverence,  reservant  cest  honneur  au  seul  seigneur  quil  ny  ait  que  ta  bouche  ouverte  en  leglise  pour  parler  en  autorite  et  que  toute  aureille  soit  preste  a  lescouter  et  toute  ame  a  luy  obeir.  Mesme  S.  Cyprien  parlant  du  present  propos  lequel  nous  traictons  maintenant,  au  2.  livre  des  epistres  en  lepistre  3,  ne  veult  pas  que  nous  aycns  aucun  esgard  a  ce  que  auront  dict  ou  faict  ceux  qui  auront  este  au  paravant  nous,  mais  que  seulement  nous  considerions  co  que  a  dict  Christ  nostre  maistre  lequel  est  devant  tous.  Quand  a  la  raison  que  vous  avez  amenee  que  nous  craignons  destre  convaincuz  par  leur  autorite  veu  que  en  tout  ilz  nous  sont  contraires,  il  me  beroit  bien  ayse  en  desduisant  toutes  les  matieres  qui  sont  auiourdhuy  en  controversae  entre  vous  et  nous  de  monstrer  que  ceste  raison  est  aussy  vraye  comme  le  reproche  que  vous  nous  faictes.  Mais  pourtant  que  lopportunite  nest  pas  mainctenant  de  demener  ce  propos  ie  me  contiendray  en  la  matiere  presente  et  me  contenteray  de  vous  avoir  monstre  comment  en  ce  point  auquel  vous  nous  les  faictes  tant  adverses  nous  les  pouvons  iustement  prendre  pour  *deffenseurs  de  nostre  opinion.  Pour  ce  faire  ie  ne  allegueray  pas  tout  ce  qui  se  en  peult  dire,  mais  en  brief  produiray  certains  passaiges  par  lesquelz  ie  prouveray  mon  intention  si  evidemment  quil  ne  vous  restera  plus  que  repliquer  pour  y  contredire.  Premierement  Tertullien  assez  prochain  du  temps  des  apostres,  refutant  terreur  de  Marcion  qui  disoit  le  corps  de  Iesuchrist  navoyr  este  que  ung  phantasme  et  vaine  apparence  tout  tel  que  vous  le  nous  forgez  prive  et  spolie  de  toute  verite  et  propriete  dun  corps  humain  prouve  par  cest  argument  que  Christ  a  eu  ung  vray  corps  veu  quil  en  a  laisse  la  figure  par  representation  en  sa  Cene.  Sil  est  ainsi,  dict  il,  quil  ny  puisse  avoir  imaige  ne  representation  sinon  deb  choses  veritables  il  sensuit  que  Christ  a  prins  ung  vray  corps  quand  il  est  descendu  a  nous  veu  que  en  lu,  cene  il  nous  a  laisse  de  la  figure  de  icelluy  corps.  Notez  outre  la  deduction  de  largument  que  encores  en  nommant  ce  sacrement  que  vous  maintenez  estre  le  corps  materiel  de  christ,  il  l'appelle  la  figure  du  corps.  Quicunque  soit  lauteur  des  commentaires  imparfaictz  sur  S.  Matthieu  que  lon  attribue  a  S.  Iehan