46:879  879  SERMONS  880  repentance.  Oar  il  est  certain  que  si  un  homme  est  touche  au  vif,  apres  avoir  failli,  et  qu'il  plore  et  gemisse  devant  Dieu  pour  obtenir  pardon,  c'est  signe  que  Dieu  desia  Ta  receu,  et  qu'il  l'a  reconcilie  a  soy.  Oar  aussi  la  repentance  est  un  don  singulier  procedant  du  S.  Esprit,  qui  nous  monstre  que  Dieu  nous  est  pitoyable,  et  qu'il  ne  veut  point  que  nous  perissions:  mais  il  nous  retire  a  soy.  Or  nous  voyons  cela  en  Pierre:  il  s'ensuit  donc  que  desia  la  mort  et  passion  de  nostre  Seigneur  Iesus  Christ  luy  a  profite,  voire  d'une  facon  admirable,  comme  i'ay  desia  dit.  Mais  en  premier  lieu  notons  que  S.  Pierre  a  tousiours  demeure  endormi  et  stupide  iusques  a  ce  qu'il  ait  eu  le  signe  par  lequel  nostre  Seigneur  Iesus  Christ  l'avoit  adverti:  c'est  ascavoir  que  le  coq  ne  chanteroit  pas  qu'il  ne  l'eust  renonce  trois  fois:  ou  bien  que  le  coq  ne  chanteroit  point  pour  la  seconde  fois,  que  Pierre  n'eust  desia  fait  tous  ses  renoncemens.  Puis  qu'ainsi  est  donc  que  s'il  n'eust  este  adverti  de  nostre  Seigneur  Iesus  Christ,  il  demeureroit  la  croppissant  en  son  peche,  et  se  fust  tousiours  plonge  en  perdition,  cognoissons  que  nous  avons  besoin  d'estre  solicitez  apres  avoir  commis  quelque  faute.  Car  si  nous  estions  privez  de  la  grace  de  Dieu,  et  qu'il  ne  nous  exhortast  de  retourner  a  luy,  il  est  certain  que  nous  serions  preoccupez  de  Satan,  et  tous  nos  sens  seroyent  abbrutis,  tellement  que  nous  n'aurions  nul  scrupule,  ne  bon  mouvement  pour  retourner  au  chemin  de  salut.  Voyla  donc  ce  qu'il  nous  faut  contempler  outre  plus  en  la  personne  de  Pierre.  Mais  quand  sainct  Luc  recite  que  Iesus  Christ  l'a  regarde,  par  cela  encores  nous  sommes  tant  mieux  enseignez,  qu'il  ne  suffit  pas  d'estre  picquez,  et  qu'on  nous  tire  l'aureille  pour  nous  faire  retourner  a  Dieu:  mais  qu'il  faut  que  Iesus  Christ  iette  sa  veue  et  son  regard  sur  nous.  Or  il  est  vray  qu'il  n'est  yci  parle  que  du  regard  des  yeux:  mais  tant  y  a  que  nostre  Seigneur  Iesus  ne  converse  pas  avec  nous  en  facon  visible,  toutesfois  il  est  certain  que  iusques  a  ce  qu'il  ait  iette  sa  veue  sur  nous,  nous  serons  tousiours  hebetez  en  nos  fautes,  et  iamais  nous  ne  penserons  de  plorer  et  gemir,  encores  que  nous  ayons  provoque  l'ire  de  Dieu:  encores  qu'il  ait  son  arc  tendu,  et  son  glaive  desgaine,  si  est-ce  que  nous  demourerons  tousiours  en  nostre  nonchalance,  iusques  a  ce  que  nostre  Seigneur  Iesus  nous  ait  fait  sentir  qu'il  ne  nous  a  pas  mis  en  oubli,  et  qu'il  ne  veut  pas  que  nous  perissions,  mais  nous  veut  retirer.  Et  qu'ainsi  soit,  nous  orrons  iournellement  les  sermons,  par  lesquels  nous  sommes  exhortez  a  repentance:  et  comment  est-ce  que  nous  en  sommes  touchez?  Ii  y  a  tant  d'admonitions  que  rien  plus:  toutes  creatures  ne  sont-elles  pas  pour  nous  inciter  a  venir  a  Dieu?  Si  nous  avions