9:878  christ.  Ce  n'est  pas  sans  raison  plus  que  suffisante.  Cest  de  craincte  destre  trouvez  rebelles  a  la  sentence  que  le  seigneur  a  pronuncee  tant  expresse  par  son  prophete  Esa.  8.  Quand  ie  demande  si  son  peuple  ne  doibt  pas  estre  content  de  sa  voix  sans  escouter  ne  vifz  ne  mortz.  Commandant  consequemment  que  on  ait  a,  se  arrester  a  la  loy  et  aux  prophetes.  Affin  donc  de  nestre  pas  enfans  du  diable  mais  veritablement  peuple  de  Dieu,  nous  nous  reposons  en  la  saincte  parolle  y  fichans  noz  cueurs  noz  entendemens  noz  yeux  et  noz  oreilles  sans  nous  destourner  ne  ca  ne  la.  Davantaige  puis  que  le  seigneur  commande  de  rechief  par  son  apostre  S.  Pierre  que  ceux  qui  parlent  en  son  eglise  parlent  sa  parolle  et  non  leur  propre  doctrine,  nous  qui  avons  a  enseigner  le  peuple  de  Iesus  selon  son  vouloir  et  ordonnance,  ne  le  voulons  instruire  de  doctrines  humaines  mais  de  sapience  celeste  qui  nous  a  este  commise  pour  fidelement  la  dispenser.  Et  vous  est  advenu  dune  mesme  ignorance  de  nous  obiecter  que  par  ung  mesme  moyen  il  fauldroit  oster  toute  puissance  des  loix  humaines.  Car  nous  ne  sommes  pas  icy  en  matiere  de  pollice  temporelle  pour  ceste  vie  presente,  mais  il  est  question  du  royaume  spirituel  de  Dieu  pour  la  vie  eternelle,  auquel  il  veult  estre  recongneu  seul  roy  et  legislateur  :  comme  il  est  dict  en  Esaye  33,  exerceant  sa  puissance  et  administrant  son  regime  par  sa  parolle  qui  en  est  le  seul  sceptre  et  gouvernement.  Et  affin  que  ne  ignoriez  quelle  consequence  emporte  ceste  prerogative  et  preeminence  de  assubiectir  a.  ses  loix  leglise  de  Dieu,  S.  Iacques  le  declaire  quand  il  dict  qu'il  ny  a  que  ung  legislateur  qui  peult  sauver  et  perdre.  Vous  voyez  com  m  ent  il  argue  et  deduict  que  quiconque  peult  imposer  Loy  a  leglise  a  la  puissance  de  sauver  et  damner.  Et  pourtant  quil  ny  peult  avoir  quun  legislateur,  cest  Dieu  qui  est  le  seigneur  de  vie  et  de  mort.  Il  est  vray  que  le  pape  par  son  impudence  intolerable  et  orgueil  diabolique  sest  ose  attribuer  ceste  puissance,  accomplissant  en