46:877  877  DE  LA  PASSION.  878  Dieu  par  sa  grace  y  besongne,  et  qu'il  y  remedie.  Et  ceux  qui  cuident  estre  les  plus  hardis,  quand  ils  sont  loin  des  coups,  se  trouvent  ��omme  esperdus  s'il  y  a  seulement  un  petit  vent  qui  souffle.  Il  est  vray  que  si  Dieu  nous  assiste,  nous  tiendrons  bon,  quoy  qu'il  se  dresse  de  grans  orages.  Car  nous  scavons  la  similitude  qu'amene  nostre  Seigneur  Iesus  Christ,  qu'un  bastiment  qui  est  bien  fonde,  et  qui  sera  edifie  de  bonne  matiere,  encore  qu'il  y  viene  quelque  grande  ravine,  demeurera  tousiours  en  son  entier:  mais  ce  qui  est  basti  sur  le  gravier,  s'en  ira  bientost  en  decadence.  Ainsi  donc  quand  nous  serons  fondez  en  nostre  Dieu,  et  qu'il  nous  tiendra  la  main  forte,  nous  pourrons  bien  soustenir  de  grandes  alarmes  et  bien  rudes:  Mais  encores  qu'il  n'y  ait  nul  ennemi  qui  nous  combate,  si  serons  nous  vaincus  incontinent,  quand  Dieu  s'eslongnera  de  nous,  ou  qu'il  nous  laschera  la  main,  comme  nous  voyons  en  Pierre.  Mais  il  y  a  encore  pis,  que  ce  n'est  pas  pour  un  coup  qu'il  renie  le  Seigneur  Iesus:  mais  il  y  retourne  autant  de  fois  qu'il  y  est  solicite.  Nous  voyons  qu'il  ne  luy  chaut  de  tousiours  aller  de  mal  en  pis,  voire  iusques  a  ce  qu'il  adiouste  execration,  comme  demandant  que  Dieu  le  maudisse,  et  qu'il  l'abysme.  Quand  nous  voyons  cela,  cognoissons  que  celuy  qui  est  tombe,  au  lieu  qu'il  avoit  besoin  de  se  relever  bientost,  se  plongera  tousiours  plus  profond  en  sa  ruine,  iusques  a  ce  qu'il  y  perisse  du  tout:  sinon  que  Dieu  y  remedie.  Voyla  quelle  est  la  condition  des  hommes:  du  commencement  ils  se  font  a  croire  que  c'est  merveilles  de  leur  vertu:  et  pourtant  nostre  Seigneur  leur  monstre  par  experience  que  ce  n'est  rien,  et  qu'il  ne  faut  sinon  qu'un  petit  vent  souffle,  et  les  voyla  abbatus.  Et  encores  se  persuadent-ils  qu'ils  pourront  se  redresser:  mais  a��  contraire  ils  ne  font  tousiours  qu'augmenter  leur  mal,  adiouster  faute  sur  faute,  et  se  desborder  en  plus  grande  enormite.  Si  sainct  Pierre  eust  este  tente  cent  fois  en  un  iour,  il  eust  renonce  Iesus  Christ  cent  foie,  et  mille  avec.  Voyla  ou  il  en  eust  este,  sinon  que  Dieu  eust  eu  pitie  de  luy:  mais  il  l'a  espargne,  et  ne  l'a  point  voulu  esprouver  d'avantage.  Tant  y  a  que  ces  trois  cheutes  dont  il  est  yci  fait  mention,  sont  assez  pour  monstrer  un  exemple  espouvantable,  et  qui  nous  doit  faire  dresser  a  tous  les  cheveux  en  la  teste,  quand  nous  voyons  que  pour  la  troisieme  fois  Pierre  s'est  ainsi  oublie,  et  qu'il  a  este  comme  du  tout  abbruti  pour  renoncer  a  son  salut.  Mais  au  reste  il  nous  faut  tousiours  bien  observer  que  s'il  luy  fust  survenu  encores  d'autres  tentations,  il  n'y  eust  resiste  non  plus,  et  que  c'estoit  pour  le  mettre  au  plus  profond  des  abysmes,  sinon  que  Dieu  l'eust  espargne  d'autant.  Voyla  donc  comme  nous  avons  a  faire  nostre