9:875  875  ORATIONES.  876  non  impellit  praeceptis,  summam  Dei  erga  nos  benevolentiam  docet.  Qui  igitur  pure  et  sincere  evangelium  interpretari  volet,  omnia  ad  legis  et  evangelii  descriptionem  exigat.  Quam  tractandi  rationem  qui  non  sequuntur,  nunquam  satis  feliciter  in  christiana  philosophia  versabuntur.  Hoc  vitium  perditissimi  sophistae  incurrunt,  qui  de  lana  caprina  perpetuo  contendunt,  rixantur,  altercantur.  Nihil  de  fide,  nihil  de  amore  Dei,  nihil  de  remissione  peccatorum,  nihil  de  gratia,  nihil  de  iustificatione,  nihil  de  veris  operibus  disserunt.  Aut  si  certe  disserunt,  omnia  calumniantur,  omnia  labefactant,  omnia  suis  legibus,  hoc  est,  sophisticis  coercent.  Vos  rogo,  quotquot  hic  adestis,  ut  has  haereses,  has  in  Deum  contumelias,  nunquam  aequo  animo  feratis.  Sed  unde  digressa  est,  eo  redeat  nostra  oratio.  Videndum  nobis,  ne  Christum  hoc  loco  ab  evangelii  ratione  aberrasse  existimemus:  nam  praeceptis  agere  videtur,  ut  pauperes  simus  spiritu,  mundi