9:874  qui  id  muneris  necessitate  quadam  a  me  requirat.  Sed  in  tam  ubere  tamque  immensa  rerum  copia,  unde  principium  aut  ubi  finem  nostra  sumet  oratio?  Sane  quia  amplior  est  dicendi  campus  quam  oratione  complecti  possim,  eum  evangelii  locum  potissimum  explicabo  qui  in  hodierno  die  in  ecclesia  legi  solet.  Verum  priusquam  rem  aggrediar,  illud  ardentibus  votis  mecum  impetretis  velim  a  Christo  optimo  maximo,  qui  verus  est  et  unus  apud  patrem  intercessor,  ut  foecundo  illo  suo  spiritu  mentes  nostras  illustret,  ut  quemadmodum  ipse  est  gloria  patris,  ita  nostra  oratio  illum  laudet,  illum  sapiat,  illum  spiret,  illum  referat.  Rogabimus  ut  in  mentes  nostras  illabatur,  nosque  gratiae  coelestis  succo  irrigare  dignetur.  Quod  nos  consequuturos  spero  si  beatissimam  virginem  solenni  illo  praeconio  longe  omnium  pulcherrimo  salutaverimus  (ave  gratia  plena  .  .  .  .  )  .  1)  Beati  pauperes  spiritu  Matth.  5^  3.  Principio  quis  sit  huius  partis  evangelii  scopus  ac  2)  omnia  referri  debeant,  diligenter  nobis  est  investigandum:  quod  ex  evangelii  ac  legis  descriptione,  deinde  utriusque  inter  se  collatione  facile  intelligetur.  Ergo  evangelium  est  nuncium  et  salutifera  de  Christo  praedicatio,  quod  a  Deo  patre  missus  sit,  ut  omnibus  opem  ferat  vitamque  aeternam  conciliet.  Lex  praeceptis  agit,  minatur,  urget,  nullam  pollicetur  benevolentiam.  Evangelium  nullis  minis  agit,  1)  Sic  in  codtcej  sed  citra  dubium  legendum:  cognitio.  1)  Quae  hic  leguntur  inde  a  verbis:  Quod  nos  consequuturos  spero  caett.  in  codice  ab  alia  manu,  coaeva  tamen,  cancellata  sunt  addita  hac  observatione:  Haec  quia  illis  temporibus  danda  sunt  ne  supprimenda  quidem  {sic)  putavimus.  2)  Rie  aliquid  intercidit  Fortasse  legendum:  ac  quo,  vel  ad  quem.