9:87  87  SECUNDA  DEFENSIO  88  mundis  animalibus,  requiri  ut  findant  ungulas  (Levit,  ll,  3):  quia  nisi  nos  discretio  fidei  gubernet,  stulta  facilitate  quaelibet  deliriorum  portenta  sub  humilitatis  praetextu  hauriemus.  Restat  ergo  ut  excutiant  lectores,  quas  tam  aspere  Westphalus  quaestiones  proscindit.  Monitos  interea  volo,  quam  tyrannice  silentium  nobis  imperent,  quibus  inquisitio  plusquam  necessaria,  curiositas  est  blasphemiarum  mater.  Nam  quod  malo  principio  nos  occupari  dicit,  quia  Christi  verbis  non  credimus,  nimis  stupori  suo  indulget  :  quia  ex  fide  potius  oritur  haec  quaerendi  sedulitas.  Quum  fabulosum  ducerent  Capernaitae  quod  ex  ore  Christi  audierant,  scimus  per  ludibrium  [pag.  95]  rogasse  quomodo  carnem  suam  posset  dare  edendam  (Ioann.  6,  52).  Nec  vero  magis  incredulitas,  quam  crassa  imaginatio  ad  obstreperum  illud  murmur  eos  impulit.  Impossibile  iudicant  quod  eorum  sensus  non  capit.  Sed  undo  id,  nisi  quia  carnem  Christi  sibi  in  alimentum  non  fore  stulte  fingunt,  nisi  vulgari  more  edatur?  Nos  quia  reverenter  amplectimur  Christi  verba,  certoque  persuasi  sumus,  non  frustrandi  causa  corpus  suum  vocare  quem  in  coena  panem  discipulis  porrigit,  modum  quaerimus,  qui  a  fidei  regula  non  discrepet.  Curiosas  ergo  quaestiones  insectando  nihil  ad  nos  gravandos  proficiet  Westphalus,  quos  manifesta  necessitas  cogit,  qualis  sit  nobis  cum  Christi  carne  et  sanguine  participatio  dilucide  exponere,  nisi  bruto  nostro  stupore  terrae  miscere  coelum  velimus.  Nam  quod  Arianos  memorat  in  horrendam  blasphemiam  prolapsos,  quia  ineffabilem  filii  Dei  generationem  ex  philosophia  investigabant,  quid  obsecro  simile?  Nam  quum  aeternam  Christo  essentiam  ex  professo  detrahere  statutum  esset,  variis  cavillis  eludere  tentarunt  quaecunque  videbant  in  contrariam  partem  facere.  Nos  [pag.  96]  absque  ulla  astutia,  absque  fuco,  sic  fatemur  Christum  in  coena  praestare  quod  figurat,  ut  eius  verba  metonymiam  contineant,  qualis  in  omnibus  scripturae  locis  passim  occurrit,  ubi  de  sacramentis  sermo  est.  Dicimus  sacramentalem  esse  loquendi  formam,  ubi  rei  signatae  nomen  ad  signum  transfertur.  Id  planum  facimus  non  uno  vel  altero  testimonio,  sed  ex  perpetua  scripturae  doctrina  evincimus  pro  vulgari  axiomate  habendum  esse  mediocriter  in  scriptura  exercitatis.  Quod  si  mihi  haereses  coacervare  libeat,  quas  invexit  praeceps  socordia,  quam  fidei  directricem  Westphalus  praeficit,  quanto  uberior  suppetet  dicendi  sylva?  Sed  ne  longius  abeam,  Arianos  in  eius  caput  retorqueo,  a  quibus  eodem  errore  quo  Christi  corpus  per  coelum  et  terram  extendens  lacerat,  eversa  fuit  eiusdem  maiestas.  Cur  enim  illis  fuit  Christus  patre  minor,  nisi  quia  fastidiose  reiecta  fuit  divinae  naturae  ab  humana  distinctio?  Verbo  enim  illo  armati,  pater  maior  me  est  (Ioann.  14,  28),  sacrilegam  summo  Deo  iniuriam  fieri  quiritabantur,  si  in  gradum