7:87  87  BRIEVE  INSTRUCTION  88  riennes.  Si  nous  devons,  a  l'exemple  de  Iesus  Christ,  refuser  tous  arbitrages  et  iugemens,  sainct  Paul  feroit  mal  de  nous  induire  a  cela.  Or  il  est  certain  que  c'est  le  sainct  Esprit  qui  parle  par  sa  bouche.  On  voit  donc  comment  ces  estourdiz  blasphement  Dieu,  en  voulant  condamner  ce  qu'il  approuve.  D'avantage,  s'il  n'est  licite  a  un  homme  Chrestien  de  s'entremettre  aucunement  de  vuyder  les  querelles,  touchant  les  possessions,  heritages,  et  autres  biens,  ie  demande  a  ces  bons  docteurs,  que  deviendra  le  monde.  Car  il  n'est  pas  possible  que  les  hommes  se  maintiennent  contractant  ensemble  comme  Ia  necessite  humaine  le  requiert,  qu'il  n'y  survienne  quelques  foys  des  doutes,  lesquelles  requerront  un  moyenneur1;  pour  les  decider,  soit  iuge,  soit  arbitre.  S'ilz  disent  qu'entre  Chrestiens  cela  n'adviendra  pas,  c'est  une  resverie.  Veu  que  mesme  deux  hommes  de  bonne  conscience,  selon  l'infirmite  qui  est  en  nostre  nature,  pourront  choir  en  quelque  different.  Comme  nous  sommes  aveugles  en  nostre  propre  cas,  chacun  pensera  avoir  bon  droit.  Si  un  homme  Chrestien  ne  doit  toucher  a  leur  controversie,  pour  les  mettre  d'accord  par  arbitrage  :  quelle  confusion  adviendra  il  en  la  fin?  Par  cela  il  est  facile  [page  79]  a  voir  que  ces  malheureux  phantastiques  ne  pretendent  a  autre  but,  que  de  mettre  tout  en  desordre,  faire  une  communaute  de  biens  telle  que  celuy  qui  en  pourra  avoir,  soit  le  bien  venu.2)  Combien  qu'ilz  le  nient  fort  et  ferme.  Mais  qu'on  oste  tous  iugemens  et  arbitrages  du  monde,  selon  leur  intention,  et  selon  ce  qu'ilz  commandent  estroictement,  qu'adviendra  -  il,  sinon  une  briganderie  desbordee?3)  Ou  bien  ilz  seroyent  bien  contens  d'avoir  persuade  a  tous  seigneurs  et  gens  de  iustice,  de  leur  faire  quitter  leur  place,  pour  succeder  et  se  mettre  dedans  comme  en  possession  vuyde  Quoy  donc,  diront-ilz,  nostre  Seigneur  Iesus  auroit  il  refuse  de  faire  une  oeuvre  bonne  et  saincte?  Escoutons  sa  responce:  et  ceste  question  sera  solue.  Qui  m'a,  dit-il,  constitue  iuge  ou  faiseur  de  partages  entre  vous?  Il  ne  dit  pas  que  ce  soit  chose  illicite:  mais  seulement  il  allegue  qu'il  n'est  pas  ordonne  en  ceste  vocation.  Et  de  faict,  c'eust  este  obscurcir  l'office  pour  lequel  il  estoit  venu  au  monde,  Vil  se  fust  occupe  en  ces  choses  la.  Pourtant  si  nous  voulons  bien  faire  nostre  profit  de  cest  exemple,  pour  le  bien  ensuivre,  prenons  la  reigle  que  nous  baille  sainct  Paul,  que  chacun  regarde  a,  quoy  il  est  appelle:  et  d'autant  que  nous  [page  80]  sommes  un  corps  en  nostre  Seigneur,  que  le  bras  n'en-  1)  interpretem  ac  diremtorem.  2)  ut  qui  ad  se  rapere  poterit,  is  laudetur.  3)  latrociniorum  summa  licentia  et  impunitas.