52:87  87  EPIST.  PAULI  AD  COLOSSENSES  88  poris  unitas.  Papistae,  dum  idoli  sui  tyrannidem  probare  volunt,  ecclesiam  causantur  fore  axecpaXov,  nisi  papa  tanquam  caput  in  ea  dominetur.  Atqui  ne  angelis  quidem  hoc  honoris  concedit  Paulus;  nec  tamen  ecclesiam  truncat  suo  capite:  quia  Christus  ut  hunc  titulum  sibi  vendicat,  ita  officium  vere  exercet.  Nec  me  latet  cavillum  quo  effugiunt,  papam  caput  esse  ministeriale.  Verum  magis  augustum  est  capitis  nomen,  quam  ut  ad  hominem  quempiam  mortalem  quovis  colore  transferri  debeat,  Christi  praesertim  iniussu.  Modestius  Gregorius,  qui  Petrum  scribit  praecipuum  quidem  esse  membrum  ecclesiae,  ipsum  tamen  et  reliquos  apostolos  sub  uno  capite  esse  membra,  Epist.  92,  lib.  4.  Ipse  principium.  Quoniam  apxh  interdum  Graecis  finem  significat  quo  omnia  referuntur,  possemus  accipere,  Christum  hoc  modo  esse  apxty-  Malo  tamen  ita  resolvere  Pauli  verba,  quod  sit  principium,  quia  primogenitus  est  ex  mortuis.  Nam  in  resurrectione  est  rerum  omnium  instauratio:  atque  ita  initium  secundae  et  novae  creationis,  quia  prior  collapsa  erat  in  ruina  primi  hominis.  Quia  igitur  Christus  resurgendo  regnum  Dei  auspicatus  est,  merito  dicitur  principium:  quia  tunc  vere  incipimus  esse  coram  Deo,  quum  renovamur  ut  simus  novae  creaturae.  Primogenitus  ex  mortuis  dicitur  non  modo  quia  primus  resurrexit,  sed  quia  restituit  etiam  aliis  vitam.  Sicut  alibi  vocatur  primitiae  resurgentium  (1.  Cor.  15,  20).  Ut  sit  in  omnibus.  Inde  concludit,  ilii  competere  primatum  in  omnibus.  Nam  si  autor  est  omnium  et  restitutor,  iure  illi  deberi  hunc  honorem  constat.  Quamquam  particula  in  omnibus  bifariam  potest  accipi:  vel  in  omnes  creaturas,  vel  omni  in  re.  Sed  hoc  non  magni  refert:  quia  simpliciter  coguntur  omnia  sub  eius  imperium.  19.  Quoniam  in  ipso  placuit.  Quo  magis  firmum  sit  quod  praedicavit  de  Christo,  nunc  quoque  addit,  ita  fixum  Dei  providentia  fuisse.  Et  certe  ut  mysterium  hoc  reverenter  adoremus,  ad  fontem  illum  nos  revocari  necesse  est.  Hoc,  inquit,  Dei  consilio  factum  est  ut  inhabitet  in  eo  omnis  plenitudo.  Intelligit  autem,  iustitiae,  sapientiae,  virtutis,  bonorumque  omnium.  Nam  quidquid  habet  Deus,  id  in  filium  suum  contulit,  ut  glorificetur  in  eo:  sicut  habetur  Iohan.  5,  20.  Simul  autem  admonet,  hauriendum  esse  ex  plenitudine  Christi  quidquid  boni  ad  salutem  nostram  expetimus:  quoniam  ita  Deo  statutum  est,  non  aliter  se  ac  sua  dona  hominibus  communicare  quam  per  filium.  Perinde  igitur  est  ac  si  diceret,  Christum  esse  nobis  omnia,  extra  ipsum  nihil  nos  habere.  Unde  sequitur,  quicunqne  Christo  derogant  y  vel  imminuunt  eius  virtutem,  vel  suis  officiis  eum  spoliant,  vel  denique  ex  hac  plenitudine  guttam  delibant,  eos,  quantum  in  se  est,  aeternum  Dei  consilium  labefactare.