51:87  SERMONS  a  dire  qui  sont  instruits,  qui  sont  amenez  a  Dieu  comme  disciples.  Or  maintenant  nous  voyons  l'intention  de  sainct  Paul:  et  de  la  nous  avons  a  recueillir  premierement  qu'auiourd'huy  il  ne  nous  faut  point  tenir  pour  ministres  ne  pasteurs  de  l'Eglise  de  Dieu,  sinon  ceux  qui  portent  sa  parole.  Voila  pour  un  item.  Et  cela  nous  est  bien  utile:  car  les  Papistes  se  vantent  d'avoir  l'Eglise  de  leur  coste.  Or  qu'il  y  eust  troupeau  sans  conduite,  il  est  certain  que  cela  ne  conviendroit  point  aux  enfans  de  Dieu.  Quelles  son^  donc  les  marques  de  l'Eglise?  Qu'il  y  ait  un  troupeau  recueilli:  et  qu'il  y  ait  quant  et  quant  un  pasteur  qui  mene  les  brebis  a  nostre  Seigneur  Iesus  Christ.  Et  de  faict  les  Papistes  aussi  alleguent  qu'ils  ont  une  Hierarchie,  c'est  a  dire  une  principaute  saincte  et  sacree:  mais  cependant  ceste  marque  que  met  ici  sainct  Paul  ne  s'y  trouve  point;  car  nous  voyons  que  ces  prelats  cornu8,  et  toute  ceste  racaille  du  clerge  Papal,  n'a  autre  chose  sinon  le  titre.  Et  ou  est  ceste  parole  de  Dieu?  Il  leur  semble  que  cela  derogueroit  a  leur  dignite:  et  c'est  assez  qu'ils  facent  leurs  ceremonies  et  badinages,  et  les  voila  tres  bien  acquittez  de  leur  devoir,  ce  leur  semble,  quand  ils  auront  ainsi  ioue  une  farce:  des  caphards,  ils  ne  font  que  remplir  le  monde  de  leurs  abus  et  tromperies.  Apprenons  donc  de  discerner  la  vraye  Eglise  de  Dieu  d'avec  toutes  les  synagogues  que  Satan  a  basties  en  ce  monde,  et  dont  il  nous  esblouit  maintenant  les  yeux  :  c'est  a  scavoir  quand  la  parole  de  Dieu  se  presche  fidelement,  que  nous  concluons  qu'aussi  Dieu  cognoit  et  advoue  le  troupeau  qui  est  la  assemble.  Et  voila  comme  se  doivent  dispenser  les  biens  de  l'Eglise,  ainsi  que  sainct  Paul  le  monstre.  Au  reste  quand  il  dit,  que  ceux  qui  sont  enseignee  communiquent  en  tous  biens,  ce  n'est  pas  a  dire  qu'ils  partissent  une  telle  abondance  a  ceux  qui  portent  et  annoncent  la  doctrine  de  salut  qu'ils  en  soyent  comme  crevez:  car  c'a  este  une  peste  mortelle  que  des  richesses  superflues,  quand  beaucoup  de  gens  ont  este  esmeus  et  poussez  d'une  folle  devotion  pour  donner  leur  substance  a  ceux  qu'ils  estimoyent  estre  dignes  de  posseder  la  pluspart  du  monde,  tellement  qu'ils  ont  mis  une  confusion  horrible.  Et  pourtant  il  ne  nous  faut  pas  penser  que  sainct  Paul  aye  ici  voulu  enrichir  les  ministres  de  la  parole,  tellement  qu'ils  eussent  de  quoy  pour  gourmander  avec  toute  intemperance,  ou  bien  qu'ils  eussent  a  mener  une  vie  dissolue,  et  en  faire  de  grandes  pompes  et  bombances.  Sainct  Paul  done  n'a  point  voulu  donner  ouverture  a  tout  cela  :  mais  seulement  il  a  signifie  qu'il  leur  faloit  subvenir  en  toutes  leurs  necessitez,  en  sorte  qu'ils  ne  fussent  point  indigens.  Et  nous  faut