50:87  87  EPIST.  PAULI  AD  CORINTHIOS  II  88  quanta  esset  multorum,  imo  fere  omnium  infirmitas  :  quibus  interea  et  quam  variis  machinis  omnia  turbare  moliebatur  Satan:  quam  pauci  cordati,  quam  pauci  sinceri,  quam  pauci  constantes  forent:  quod  ex  adversa  parte  vel  fuci  ac  nihili  homines,  vel  ambitiosi,  vel  turbulenti.  Inter  quas  difficultates  necesse  est  Dei  servos  trepidare  et  angoribus  discruciari:  eoque  magis,  quod  devorare  multa  coguntur,  ut  ecclesiarum  paci  consulant.  Itaque  proprie  loquutus  est  quum  dixit:  Foris  pugnas,  intus  timores.  Nam  aperto  marte  se  opponunt  fidi  pastores  hostibus,  qui  ex  professo  Christi  regnum  oppugnant:  sed  intus  uruntur  et  occulta  tormenta  sustinent,  quum  vident  ecclesiam  intestinis  malis  laborare,  quibus  profligandis  palam  classicum  canere  non  audent.  Tametsi  autem  in  continuis  fere  certaminibus  erat:  tunc  verisimile  est  fuisse  solito  durius  constrictum.  Certe  a  timoribus  vix  unquam  sunt  indutiae  Christi  servis:  Paulo  autem  ab  externis  etiam  pugnis  raro  fuerunt.  Sed  quia  tunc  vehementius  premebatur,  in  plurali  numero  pugnas  et  timores  nominat:  significans,  pluribus  modis  sibi  fuisse  pugnandum  et  contra  varios  hostes,  simul  plura  fuisse  genera  timoris.  6.  Qui  consolatur  humiles.  Hoc  vice  causae  positum  est.  Nam  intelligit,  ideo  sibi  allatam  esse  consolationem,  quod  esset  deiectus  malis  et  propemodum  oppressus:  quia  Deus  soleat  humiles,  id  est,  abiectos  consolari.  Unde  utilissima  doctrina  colligi  potest,  eo  nobis  maiorem  paratam  esse  consolationem  a  Deo,  quo  magis  afflicti  erimus.  Itaque  in  hoc  Dei  epitheto  continetur  eximia  promissio:  ac  si  diceretur:  proprium  Dei  officium  esse,  miseros  et  humi  prostratos  homines  consolari.  7.  Neque  solum  in  adventu  eius.  Ne  obiicerent  Corinthii:  Quid  ad  nos,  si  te  exhilaravit  Titus  suo  adventu?  scilicet  quia  eum  amabas,  tibi  iucundus  fuit  eius  conspectus  :  causam  laetitiae  fuisse  testatur,  quia  Titus  ab  ipsis  reversus  laeta  omnia  nuntiasset.  Ergo  non  tam  hominis  unius  praesentia  quam  prospero  Corinthiorum  statu  exhilaratum  se  fuisse  declarat.  Vestrum  desiderium.  En  quae  laeta  auditu  narrata  sunt  Paulo  de  Corinthiis.  Desiderium  inde  oriebatur,  quod  magni  aestimabant  Pauli  doctrinam.  Lacrymae1)  reverentiae  signum  erant:  quia  eius  obiurgatione  commoti  sua  peccata  lugebant.  Studium  argumentum  erat  benevolentiae.  Ex  his  tribus  colligebat  eorum  poenitentiam.  Ex  qua  plena  satisfactio,  quia  non  aliud  erat  eius  consilium  vel  cura  nisi  ut  eorum  saluti  prospiceret.  Ut  magis  gauderem.  Hoc  est,  ut  gaudio  dolores  omnes  ac  molestiae  superarentur.  Hinc  apparet,  non  modo  quanto  animi  fervore  publicum  ecclesiae  *)  Luctus  .  .  .  .  erat